ბრაზილიაში, პარაიბაის შტატში მცხოვრებმა ეროტიდე ბრანდაომ ქმრისადმი დიდი პატივისცემის ნიშნად თხუთმეტივე შვილს მისი სახელი - უოლტერი დაარქვა.
წყვილს 15 შვილი - 9 გოგო და 6 ბიჭი შეეძინა. ბიჭებს ყოველთვის ეამაყებოდათ მამის სახელის ტარება, გოგონები კი მუდამ სირთულეებს აწყდებოდნენ. ამის გამო დედამ გადაწყვიტა, გოგონებს დამატებით სახელად მარია რქმეოდათ. ბავშვების მამა უოლტერ ბრანდაო 2003 წელს 81 წლის ასაკში გარდაიცვალა. მას და მის ცოლს 33 შვილიშვილი ჰყავთ, რომელთაგან ოთხს უოლტერი ჰქვია.