ამასრა თურქეთის ერთ-ერთი უძველესი ქალაქია, რომელიც შავი ზღვის სანაპიროზე მდებარეობს, იგი ჯერ კიდევ ჰომეროსის ''ილიადა''-შია მოხსენიებული სახელით ''სეზამუს''. მესამე საუკუნეში კი ქალაქს სახელი შეეცვალა, დედოფალი ამასტრისის საპატივცემულოდ. მრავალი საუკუნე ამასრა იყო მძლავრი სავაჭრო პორტი.

თანამედროვე ქალაქი ორ, ძველ და ახალ ნაწილად არის დაყოფილი.

ძველ ნაწილში ისტორიული ძეგლები, ძველი ქუჩები და შენობებია მოქცეული, ასევე საინტერესო მუზეუმი, ახალში კი თანამედროვე სასტუმროები და სხვა შენობები.

როგორც ხედავთ ძალიან ლამაზი ადგილია, წყალი ძალიან სუფთა და ცისფერია. სანაპიროებიც სუფთა და მოვლილი. დამსვენებლები და ტურისტებიც უხვად სტუმრობენ ქალაქს.