სტატიაში მოკლედ მოგახსენებთ 4 ვარსკვლავიან, საკმაოდ ორიგინაულ სასტუმროზე, რომელიც მდებარეობს სამხრეთ აფრიკაში, კერძოდ - Western Cape-ში. სასტუმროს Kagga Kamma ეწოდება.

სასტუმრო უნიკალური თავის აგებულებით და ირგვლივ მდებარე ლამაზი ხედებითაა. ტერიტორია უცნაური ფორმის და საოცარი შეფერილობის კლდეებით გამოირჩევა. შეგახსენებთ, რომ ამ კლდეების ფორმა და შეფერილობა ბუნებრივია. აქ დამსვენებელ ტურისტებს საოცარი ფლორა და ფაუნის ხილვა შეუძლიათ. აგრეთვე, შეუძლიათ გაეცნონ დიდებულ კულტურასა და ტრადიციებს.

Kagga Kamma-ს მიმდებარე ტერიტორია თავისი სუფთა, დაუბინძურებელი ჰაერით მთელს სამხრეთ აფრიკაში საუკეთესო ადგილად ითვლება.

ბევრი ტურისტი ცდილობს გაექცეს ყოველდღიურ, დამღლელ ცხოვრებას და დღესასწაულოდ იქციოს ყოველი დასვენების დღე. ეს კი სავსებით შესაძლებელია ხელუხლებელ უდაბნოში, სადაც 4 ვარსკვლავიანი სასტუმრო საოცარ მომსახურებას სთავაზობს მათ.

საქმიანი ადამიანებისთვისაც მოიძებნება სასტუმროში ადგილი, სადაც ბევრი საქმიანი შეხვედრა იმართება მაღალი რანგის სტუმრებისთვის.

სასტუმროს ტერიტორიაზეა სპა-სალონებიც.

ეგზოტიკური დამსვენებლებისთვის არსებობს სასტუმროს ცალკელი ნომრები, ხოლო კომფორტის მოყვარულთათვის ცოტა განსხვავებულები.

იმედია, დილიდან სასიამოვნო, ვირტუალური მოგზაურობა მოგიწყეთ სამხრეთ აფრიკის ეგზოტიკურ სასტუმროში.