მოდა, მოდა, მოდა და ისევ და ისევ მოდა. კითხვები: - ''რა ჩავიცვათ?'', ''როგორ ჩავიცვათ?'', ''როგორ გამოვიყურებოდეთ მოდურად?'' და ასე შემდეგ, ქალბატონებს არასოდეს გამოგველევა. ახლა კი მითუმეტეს ის სეზონია, როცა ყველაფერში სიახლეები და განახლება გვესაჭიროება, მათ შორის გარეგნობასა და იმიჯზე ზრუნვა კი ერთ-ერთი პირველი საზრუნავია. მიზანს რომ ადვილად მივაღწიოთ და კმაყოფილები დავრჩეთ რთული სულაც არ არის, თუ მარტივ ინსტრუქციას მივყვებით. პირველ რიგში კარგად უნდა გავეცნოთ თანამედროვე საერთაშორისო მოდურ ტენდენციებს, შემდეგ შევაფარდოთ ჩვენი ქვეყნის მოდურ ტენდენციებთან, ამას დავუმატოთ საკუთარი გემოვნება, ფინანსური შესაძლებლობები და სულ ეს არის. ასე რომ სანამ საშოპინგედ გადაწყვეტდეთ წასვლას, ჯერ კარგად გაარკვიეთ რის ყიდვას აპირებთ, რომ ფული და ნერვები ტყუილად არ დახარჯოთ. არჩევანის გასაადვილებლად გთავაზობთ ჩემს მიერ შეგროვილ, სეზონის მოდურ ლუქებს.