რა არის საჭირო იმისათვის რომ მოვამზადოთ ლობიოს ტოლმა:

ლობიო – 600 გრამი.
ზეთი – 1/2 ჩაის ჭიქა.
ხახვი – 100 გრამი.
დაფნის ფოთოლი – 3 ცალი.
ბრინჯი – 2 სუფრის კოვზი.
შავი პილპილი – 1 ჩაის კოვზი.
კომბოსტო – 1 თავი.
ქინძი – 2 სუფრის კოვზი.
მარილი – გემოვნებით.

როგორ მოვამზადოთ?

მოვხარშოთ ლობიო - წყალი გადავწუროთ, ლობიოს მარცვლები კი ამოვლესოთ, მოვაყაროთ წვრილად დაჭრილი ხახვი, 2 კოვზი უმი, კარგად დანაყული ბრინჯი და ავურიოთ, შემდეგ ავიღოთ თითო კოვზი ამგვარად მომზადებული ლობიოს მასა, შევახვიოთ მდუღარეში ამოვლებულ კომბოსტოს ფოთლებში - ჩავაწყოთ ქვაბში, დავასხათ 1/2 ჭიქა ზეთი, მოვშუშოთ. ზემოდან დავაწყოთ 3 ცალი დაფნის ფოთოლი, მოვაყაროთ დანაყული შავი პილპილი და მოვასხათ ლობიოს ნახარში. ვადუღოთ 15-20 წუთი. მომზადებისთანავე გადავიტანოთ თეფშზე და მოვაყაროთ წვრილად დაჭრილი ქინძი, ასევე შეიძლება ცოტა ძმარიც მოვასხათ.(გემოვნების მიხედვით), მოამზადეთ და დააგემოვნეთ ეს უგემრიელესი კერძი.