სტუდენტთა საზაფხულო დასაქმების პროგრამა Summer job-ი დარეგისტრირება 20 მარტიდან დაიწყო და 20 აპრილამდე უნდა გაგრძელებულიყო, თუმცა, იმის გამო, რომ დარეგისტრირება ხდებოდა დასწრების პრინციპით, გამოცხადების მეორე დღესვე დასრულდა, პირველ დღესვე 25 000 სტუდენტი დარეგისტრირდა. დარეგისტრირებული სტუდენტების ნაწილმა განაცხადა რეგისტრაციის გაუქმების შესახებ. იმის გამო, რომ არ დარჩეს ვაკანტური ადგილები, განათლების სამინისტრომ გადაწყვიტა, სტუდენტებმა წინასწარ გააფორმონ სამუშაო ხელშეკრულება. ისინი, ვინც, 1-ელი აპრილიდან 15 მაისამდე არ გამოცხადდებიან დამსაქმებელთან, ავტომატურად გამოეთიშებიან პროგრამას. გამოთავისუფლებულ ადგილებზე ხელახლა გამოცხადდება რეგისტრაცია. სავარაუდოდ, ეს მაისის ბოლოს მოხდება.