სერ ალექს ფერგიუსონმა, რომელიც 26 წელი "მანჩესტერ იუნაიტედის" მთავარი მწვრთნელი იყო, განაცხადა მთავარი მწვრთნელის პოსტიდან წასვლის შესახებ, გვატყობინებს მანჩესტერული კლუბის ოფიციალური ვებ-გვერდი.

"ეს გადაწყვეტილება რთული მისაღები იყო. სწორედ ახლაა ამის დრო" - განაცხადა ფერგიუსონმა.

ლეგენდარული მწვრთნელის თქმით, მისი წასვლისას გუნდი უნდა ყოფილიყო "შეძლებისდაგვარად საუკეთესო ფორმაში".

ფერგიუსონი არ აპირებს მანჩესტერული კლუბის დატოვებას, მთავარი მწვრთნელის პოსტიდან იგი გადაინაცვლებს კლუბის ადმინისტრაციაში სადაც შეეცდება დაეხმაროს კლუბს კიდევ მრავალი ტიტულის მოგებაში.

შეგახსენებთ "წითელმა ეშმაკებმა" ფერგიუსონის თავკაცობის დროს მოიგეს შემდეგი ტიტულები:

- ინგლისის პრემიერ ლიგა 13-ჯერ

- ლიგის თასი 4-ჯერ

- ასოციაციის თასი 5-ჯერ

- "უეფა"-ს ჩემპიონთა ლიგა 2-ჯერ

- "უეფას"-ს სუპერ თასი

- "უეფა"-ს ჩემპიონთა თასი

- "ფიფა"-ს მსოფლიო საკლუბო თასი

- კონტინენტთაშორისი თასი