«ბარსელონას» 35 წლის მცველმა კარლეს პუიოლმა უკმაყოფილება გამოთქვა ბოლო დროს გუნდში გამეფებული ნეგატიური ატმოსფეროს გამო. ფეხბურთელი კლუბის ამ ზაფხულს შეცვლის ვარიანტსაც განიხილავს.
პუიოლს განსაკუთრებით კატალონიური კლუბის ხელმძღვანელობის საქმისადმი დამოკიდებულება აღიზიანებს, რომელიც მისი აზრით, არაფერს აკეთებს გუნდში მეკარე ვიქტორ ვალდესისა და თავდამსხმელ დავიდ ვილიას შესანარჩუნებლად.
პუიოლი მზადაა, დატოვოს «ბარსა», მიუხედავად იმისა, რომ მასთან კონტრაქტი 2016 წლის ივნისამდე აკავშირებს.
მიმდინარე სეზონში კარლესმა ესპანეთის ჩემპიონატში სულ 13 მატჩი ჩაატარა და ერთი გოლი გაიტანა.