გასაკვირია, მაგრამ საკმაოდ ბევრმა ადამიანმა არ იცის კონდომის სწორად შერჩევა. ყველა ადამიანის ორგანიზმი ინდივიდუალურია და აქედან გამომდინარე, მისი ყიდვისას აუცილებელია გავითვალისწინოთ რა მასალისგანაა ის დამზადებული, რათა შევძლოთ თავიდან ავიცილოთ ალერგიული რეაქციებით გამოწვეული გართულებები.

ტექსტურა

კონდომების დასამზადებლად ძირითადად სამი სახის მასალას იყენებენ. განვიხილოთ თითოეული მათგანის დადებითი და უარყოფითი მხარეები.

#1. ლატექსი - ლატექსი რეზინის ერთ-ერთი ტიპი გახლავთ.

დადებითი მხარეები:

დაცულობის ხარისხი მაღალია.

იოლია გამოსაყენებლად.

შედარებით იაფია.

უარყოფითი მხარეები:

მოსახლეობის 1/6 ალერგიულია ლატექსის
მიმართ.

შენ თუ არ ხარ ალერგიული - ეს არ არის საკმარისი. აუცილებლად უნდა გაარკვიო შენი პარტნიორის დამოკიდებულებაც. წინააღმდეგ შემთხვევაში, მართალია შენ არაფერი მოგივა, მაგრამ მას შეიძლება სერიოზული პრობლემები შეუქმნა.

#2. პოლიეთილენი - პოლიეთილენი პლასტმასის ერთ-ერთი ტიპი გახლავთ.

დადებითი მხარეები:

პოლიეთილენს ლატექსზე თხელი სტრუქტურა

აქვს. მისი თხელი კედლების გამო თითქმის არ

იგრძნობა, რომ კონდომს იყენებთ.

უარყოფითი მხარეები:

არ გამოირჩევა სიმყარით. ცდების შედეგად
დადგინდა, რომ პოლიეთილენისგან დამზადებული კონდომი უფრო ხშირად ზიანდება, ვიდრე ლატექსისგან დამზადებული.

#3. ნატურალური ტყავი - როგორც წესი ცხვრის.

დადებითი მხარეები:

ნატურალური მასალისგან დამზადებულ

კონდომს შედარებით მეტი მგრძნობელობა აქვს.

უარყოფითი მხარეები:

ძალიან ეფექტურია არასასურველი ფეღმძიმობის

თავიდან ასაცილებლად, თუმცა არცთუ კარგ შედეგს იძლევა ვენერიული დაავადებებისაგან დაცვის თვალსაზრისით.

მისი ფასი საკმაოდ აღემატება სხვა კონდომების ფასს.

კონდომის ხელმეორედ გამოყენება სასტიკად აკრძალულია!! არ აქვს მნიშვნელობა როგორი ხარისხის იქნება ის. სამწუხაროდ, კონფიდენციალურად ჩატარებული გამოკითხვების თანახმად, აღმოჩნდა, რომ ბევრი მოზარდი მას რეცხავს და ხელმეორედ იყენებს. გაითვალისწინეთ, რომ ასე შესაძლოა ძალიან მძიმე და სერიოზული ინფექცია შეგეყაროთ.