“ვალენსიას” ცენტრალურმა მცველმა ადილ რამიმ ზაფხულში შესაძლოა ესპანური ჩემპიონატი ინგლისის პრემიერ ლიგაში გაცვალოს. ბრიტანული მედიის ინფორმაციით, საფრანგეთის ეროვნული ნაკრების ფეხბურთელის გადაბირებით “მანჩესტერ იუნაიტედია” დაინტერესებული.
რამის კონტრაქტში ჩადებული პუნქტის თანახმად, ადილის გამოსასყიდი მინიმალური თანხა 25 მილიონ ევროს შეადგენს. ადრე ფრანგმა უარყო გავრცელებული ინფორმაცია იმის შესახებ, რომ მან შესაძლოა კარიერა მახაჭკალის “ანჟიში” გააგრძელოს.
ასევე გეტყვით იმასაც, რომ მიმდინარე სეზონში ცენტრალურმა მცველმა, ესპანეთის ლა ლიგის ეგიდით, “მფრინავი ღამურების” მაისური 24 შეხვედრაში მოირგო.