ჩინეთის სამხრეთ რეგიონში ხუთ მედიკოსს მოზარდისთვის განზრახ ფიზიკური ზიანის მიყენება ბრალდება. მათ 17 წლის ბიჭს თირკმელი ამოკვეთეს, იმისათვის, რომ მოზარდს სანუკვარი iPhone და iPad-ი შეეძინა. ოპერაცია გასული წლის აპრილში ჩატარდა, თუმცა შემთხვევის შესახებ ცნობილი მხოლოდ ახლა გახდა. ჩინურ მედიაში მოზარდს გვარით მოიხსენიებენ. ვანგს ჯანმრთელობის პრობლემები შეექმნა. იგი თირკმლის უკმარისობას განიცდის.
ადგილობრივი სააგენტო “სინხუას“ ცნობით, მთავარმა ქირურგმა ამოკვეთის ოპერაციის ორგანიზებისა და ჯანმრთელი ორგანოს სხვისთვის გადანერგვის სანაცვლოდ 200 ათასი იუანი (35 ათას დოლარი) მიიღო. აქედან 22 ათასი იუანი დონორს მისცა, დარჩენილი თანხა კი, ოპერაციაში მონაწილე ქირურგებს შორის გაანაწილა. უცნობია იმ პაციენტის ვინაობა, რომელსაც ვანგის ჯანმრთელი თირკმელი გადაენერგა.
მოზარდი ჩინეთის ერთ-ერთ ყველაზე ღარიბ პროვინცია ანხოიში ცხოვრობს. მიღებული თანხით ვანგმა ოცნება აისრულა და iPhone და iPad-ი შეიძინა.