ქართველები ვართ და ტრადიციულად განსაკუთრებულ პატივს მივაგებთ გარდცვლილებს. თქვენ როგორც ჭეშმარიტ მორწმუნეს მტერიც გიყვართ. თქვენი სიყვარული ნათლად გამოჩნდა როცა მათ ორმოცის ნაცვლად ასი დღე გადაუხადეთ, მთელი ქვეყნის დასანახად, პირდაპირ ეთერში. როცა ას დღეზე განაცხადეთ თან დაჟინებით არ მომკვდარან, ცოცხლები არიანო, მე ხატოვან გამოთქმად მივიღე, მაგრამ ვაი, რომ ვცდებოდი.

ჩემო ბატონო შეყვარებული ვის არ ყოლია, მაგრამ საფლავში არ ჩაყოლიაო, გაგებული გექნებათ, ამიტომ უმორჩილესად გთხოვთ შეეშვათ გარდაცვლილებთან საუბარს. იმასაც ვითვალისწინებთ, რომ ამერიკამ და ევროპამ კოჰაბიტაცია მოითხოვეს. სიმართლე გითხრათ ეს ჩემთვის ახალი სიტყვაა და აზრადაც არ მომსვლია, რომ ეს უცხო
სიტყვა სპირიტულ სეანსს ნიშნავდა. კაი ბატონო ერთხელ, ორჯერ, ჰა ათჯერ, მაგრამ ესე თავით გადაშვება სპირიტიზმში კარგს
არაფერს მოგვიტანს. საზღვარი აქვს ყველაფერს, ასე თუ გაგრძელდა ხალხის ცნობიერებაში თქვენ კეთილი ჯადოქრიდან, შამანად გადაიქცევით. თქვენ საქართველომ აგირჩიათ და არა ევროპამ და ამერიკამ. ასე რომ თავი დაანებეთ ამ ბნელეთის ძალებთან
დიალოგს, თორემ ხალხს უკვე ეჭვი ეპარება მაგათ გარდაცვალებაში. კი გვწოვდნენ სისხლს 9 წელი, მაგრამ ხალხი როგორც წურბელებს ისე უყურებდა, რომელთა მოშორებაც შეიძლება. ხოლო თქვენი სპირიტიზმით ვშიშობ მათ ვამპირებად აქცევთ, რომელთა მოშორებაც შეუძლებელი გახდება, უბრალო მიზეზის გამო: ვამპირი უკვდადვია.

იმედი მაქვს თქვენი კეთილგონიერების.