კატარის სამეფო ოჯახი გეგმავს მომავალ თვეში წარმოადგინოს ახალი საფეხბურთო ტურნირის პროექტი, რომლის სახელწოდებაც იქნება Dream Football League (ოცნების ფეხბურთის ლიგა). წყაროს ინფორმაციით, ეს იქნება უეფას ჩემპიონთა ლიგისა და მსოფლიოს საკლუბო ჩემპიონატის ალტერნატივა. ტურნირი ჩატარდება ორ წელიწადში ერთხელ და მასში მსოფლიოს 24 საუკეთესო კლუბი მიიღებს მონაწილეობას, ტურნირს კი კატარი ან სპარსეთის ყურის რომელიმე სხვა სახელმწიფო უმასპინძლებს.