როდესაც თანამედროვე გოგონა ხდება სრულწლოვანი და იწყებს დამოუკიდებელ ცხოვრებას, ხშირად აწყდება ისეთ პრობლემას რომლის წინაშეც იგი უძლურია.ანუ ის არ არის მზად დამოუკიდებელი ცხოვრებისთვის.პირველი ნეგატიური გამოცდილების შემდეგ გოგონა უშვებს ბევრ შეცდომას, რაც მას უშლის ბედნიერად ცხოვრებას.

საშუალო სკოლაში მას ასწავლიან ფიზიკას, მათემატიკას, უცხო ენას და კიდევ ბევრ საგანს რომელიც რეალურ ცხოვრებაში ნაკლებად გამოსაყენებელია, მაგრამ არ ასწავლიან მთავარ და აუცილებელ საგანს, არ ასწავლიან სწორი ურთიერთობის აგებას, არ ამზადებენ დამოუკიდებელი ცხოვრებისთვის.

ბევრი მოზარდი გოგონა დარწმუნებულია, რომ მთავარია სიყვარული და ყველაფერი აეწყობა თავისით, როგორც ზღაპარში.მაგრამ ცხოვრება სწრაფად და სასტიკად უმტკიცებს მას რომ ყველაფერი ასე არ არის.აბა როგორ უნდა იყოს? როგორ უნდა ააგოს ურთიერთობა საწინააღმდეგო სქესთან ისე, რომ ამ კავშირმა მას მოუტანოს სიხარული და ბედნიერება.
ადრე ეს ცოდნა გოგონას გადაეცემოდა მემკვირეობით ბებიისა და დედისგან, რომლებიც მას ამზადებდნენ დამოუკიდებელი ცხოვრებისთვის და ასწავლიდნენ ქალურ სიბრძნეს.
ისინი ასწავლიდნენ გოგონას როგორი ურთიერთობა უნდა ჰქონოდა საწინააღმდეგო სქესთან, როგორ უნდა მოქცეულიყო კაცთან და როგორ მიემართა კაცი სასურველი მიზნისკენ.

დღეს ეს კულტურა აღარ არსებობს...

ამ სიტუაციას ართულებს ისიც, რომ ყველაფერი იწყება საბავშვო ბაღიდან, სადაც გოგონებსაც და ბიჭებსაც აღზრდიან ერთნაირად, უფრო სწორად როგორც მამაკაცებს.ამის შედეგი სავალალოა.როდესაც გოგონა შეყვარებულთან, იქცევა ისე როგორც ბიჭი, თავიდანვე გასაგებია, რომ აქედან არაფერი გამოვა.

პირველი ნეგატიური გამოცდილების მიღების შემდეგ, აუცილებელია რომ გოგონამ დაიწყოს ფიქრი თუ რატომ მოხდა ეს, წაიკითხოს ლიტერატურა და დაგეგმოს ცხოვრება, მაგრამ კიდევ ერთი უბედურება ის არის რომ გოგონასთვის ფიქრი არავის უსწავლებია..ამიტომ ფიქრობენ მხოლოდ ერთეულები და სწორედ მათ გამოსდით ბედნიერი ცხოვრება.ხოლო უმეტესობა თავის უბედურებაში ადანაშაულებს შეყვარებულს და გულწრფელად სჯერა, რომ თვითონ ყველაფერს სწორად აკეთებს.

ყველას უნდა, იყოს ბედნიერი.მაგრამ რა უნდა ქნა, თუ შენ არავინ გასწავლა რა უნდა გააკეთო იმისთვის რომ იყო ბედნიერი? ამ შემთხვევაში უნდა ეცადო რომ ეს სიცარიელე თავადვე შეავსო.სერიოზულად უნდა მიუდგე ამ საქმეს და მოემზადო დამოუკიდებელი ცხოვრებისთვის.მხოლოდ ამ შემთხვევში გექნება ბედნიერი და სიხარულის მომტანი ურთიერთობა. მხოლოდ გახსოვდეს, ეს ყოველივე უნდა გააკეთო დღეს და არა მაშინ პენსიაზე რომ გახვალ.