მსოფლიოში უამრავი უცნაური დაავადება არსებობს, ზოგიერთის განკურნება შესაძლებელია, ზოგიერთი კი უკურნებელია, რომელთა სამკურნალო საშუალების გამოგონებას დღემდე უშედეგოდ ცდილობენ ექიმები. ამ სტატიაში მინდა გაგაცნოთ ერთ-ერთი იშვიათი დაავადება, რომელიც დაუდგეინეს სარა და ჯოშუა ტერმონდებს. მათი მძიმე ისტორია მაშინ დაიწყო, როდესაც ექიმებმა დაუდგინეს იშვიათი გენეტიკური დაავადება - ეპიდერმოლსის ბულლოსა (თანდაყოლილი ბუშტუკები). ეს დაავადება იწვევს მთელს სხეულზე სითხით სავსე ბუშტუკების გაჩენას და კანის გადამეტებული სიმყიფით, სისათუთით ხასიათდება. ნახეთქები და ბუშტუკები იმის გამო წარმოიქმნება, რომ კანის შრეში არ არის სპეციალური ბოჭკოვანი ცილა, რომელიც ქსოვილთა მყარ შეერთებაზეა პასუხისმგებელი. ჯოშუა ტერმონდიც სწორედ ამ დაავადების ერთ-ერთი ყველაზე მძიმე ფორმით იტანჯება. მისი და, რომელიც ამავე დაავადების მატარებელი იყო, 20 წლის ასაკში გარდაიცვალა. სამედიცინო კვლევები მოწმობს, რომ მსგავსი დაავადების მქონე ადამიანები 30 წლამდე ცოცხლობენ. ამ დაავადების მქონე ბავშვებს "აბრეშუმისკანიან ბავშვებად"მოიხსენიებენ, რომელთაც კრისტალური ბავშვური, საოცრად მგრძნობიარე და სათუთი კანი აქვთ. თითის ოდნავმა დაჭერამაც კი შეიძლება მტკივნეული იარები და ღრმა წყლულები გამოიწვიოს. ტანჯვის შესამცირებლად და ინფექციის თავიდან ასაცილებლად ამ დაავადების მქონე ბავშვები იძულებულნი არიან ატარონ სპეციალური სახვევები. სამწუხაროდ, აღნიშნული დაავადების საწინააღმდეგო წამალი დღესდღეობით არ არსებობს, რაც ძალიან მძიმე გადასატანი იქნება იმ ბავშვებისთვის, რომლებიც ვერასოდეს გაიგებენ სირბილის, ხტუნვის, თუ ცურვის სიამოვნებას.

ძალიან შემზარა ამ დაავადების მატარებელი ბავშვების ფოტოების ნახვამ და ეს ყველაზე "ნაკლებად შემზარავი" რამდენიმე ფოტო შევარჩიე აქ დასადებად.