1. პირველი ლექცია

შესანიშნავი დეკლამატორი მარკ ტვენი ლექციის ჩატარების წინ შიშით იყო შეპყრობილი, მაგრამ პირველივე წინადადებით აღაფთოვანა მსმენელი. ეს ცნობილი პირველი წინადადება ასე ჟღერდა: "იულიუს ცეზარი მოკვდა, შექსპირი მოკვდა, ნაპოლეონი მოკვდა და მეც ვერ ვგრძნობ თავს მთლად ჯამთელად".

2. უნდობლობა

პარიზის ერთ სალონში რომელიღაც მწერალი ყვებოდა:

- ამ რამდენიმე დღის წინ, მარსელში რომ მივემგზავრებოდი, ჩემს კუპეში ქალი იჯდა და ჩემს ახალ რომანს კითხულობდა. იგი ორი სადგურითგაცდა იმ ადგილს სადაც მიდიოდა...

- ალბათ თუ ჩაეძინა - შენიშნა კრიტიკოსმა იან კოკტომ.

3. მკაცრი კრიტიკოსი.

ერთი კრიტიკოსი ალექსანდრე დიუმას რომანში გამოთქმას აკრიტიკებდა:

- რა არის მტკინვეული სიცარიელე, როგორ შეიძლება ცარიელი საგნის ტკივილი?

დიუმამ მიუგო:

- განა თავი არასოდეს გტკივებიათ?

4. შეუძლებელი

- უკვე წაიკითხეთ ჩემი ლექსები?

- კი, და ორი მათ შორის ისეთია, რომელთა დაწერასაც ვერც ჰაინე და ვერც პუშკინი ვერ შეძლებდნენ.

- ფრიად სასიამოვნოა! რომლებია განა?

- ერთი კინოზე და მეორე რადიოზე.

5.შეხვედრა პარკში

გოეთე ვაიმარის პარკში სეინობდა. ვიწრო ბილიკზე, სადაც მხოლოდ ერთ ადამიანს შეეძლო გავლა, კრიტიკოსი შეხვდა. იგი მტრულად იყო განწყობილი გოეთესადმი და მკაცრად უთხრა:

- მე სულელებს გზას არ ვუთმობ!

- მე კი პირიქით, - ღიმილით მიუგო პოეტმა და განზე გადგა.