ძველი აღთქმის თანახმად, ბიბლიურმა პატრიარქმა მათუსალმა-969 წელი იცოცხლა, ადამმა ცოტათი ნაკლები-930 წელი, მისმა შვილმა სეთიმ-912 წელი, შვილიშვილმა ენოსმა-905 წელი.

როგორც ბიბლიაშია ნათქვამი, ცოდვათა სიმრავლის გამო ღმერთმა დასაჯა ადამიანი და სიცოცხლის ხანგრძლივობა შეუმცირა 70 წლამდე, მაგრამ წმიდანები უფრო დიდხანს ცოცხლობდნენ. მაგალითად, მოსემ 120-წელი იცოცხლა, აბრაამმა-175, მისმა მეუღლემ სარამ-127.

ზოგიერთი თანამედროვე ბიბლიის მკვლევარი ვარაუდობს, რომ ამ პატრიარქების ასაკს ძველად არ ითვლიდნენ ისე, როგორც დღეს. მაგალითად, ეგვიპტეში ადამიანის სიცოცხლის ერთ თვეს 1 წელიწადად ანგარიშობდნენ, ძველი ებრაელები კი ორ თვეში გულისხმობდნნენ 1 წელს. ასე რომ, ბიბლიური პატრიარქებიც დაახლოებით 75-80 წელიწადს ცოცხლობდნენ.

გინესთა წიგნში დღეგრძელთა შორის პირველი იყო იაპონელი “სიგეჩიო იძუმი" (1865-1986), რომელმაც 120 წელი და 237 დღე იცოცხლა, მაგრამ მისი რეკორდი მოხსნა კოლუმბიელმა “ხივერა პერეირამ", მის პატივსაცემად გამოიცა საფოსტო მარკა. პერეირამ 169 წლამდე იცოცხლა. მსგავსი მარკა დიბეჭდა სსრკ-ში 1956 წელს, “მუჰამედ აივაზოვის" 148-ე წლისთავის აღსანიშნავად. აივაზოვი 151 წლისა გარდაიცვალა.

თითქმის დაუჯერებელ ამბავს გვამცნობს კაიროს გაზეთი:
“ან-აჰბარი". მას აღმოუჩენია 195 წლის ადამიანი, რომელსაც მშვენივრად ახსოვდა სუეცის არხის მშენებლობა და გახსნა.

ფრანგი ჟან ტერელი 1699 წელს 15 წლისა წავიდა ჯარში, მონაწილეობდა 120-მდე ბრძოლაში, 1777 წელს 93 წლის შესრულებასთან დაკავშირებით მეფე ლუდოვიკო XVI-მ მოხუც ჯარისკაცს კაპიტნობა უბოძა, ხოლო 1802 წელს ნაპოლეონმა დამსახურებისთვის პენსია დაუნიშნა-1500 ფრანკი. ჟან ტერელი 1807 წელს 123 წლისა გარდაიცვალა.

პუშკინმა აღწერა შეხვედრა 160 წლის კაზაკთან, რომელსაც ბრწყინვალედ ახსოვდა სტეფანე რაზინის 1670-1671 წლების აჯანყება. ამ ჯანყსი თურმე თვითონაც მანაწილეობდა.

დღესდღეობით დღეგრძელობით ლიდერობს იაპონია, სადაც ადამიანები საშუალოდ 83 წლამდე ცოცხლობენ. აშშ-ში 75 წლამდე, რუსეთი ამ მხრივ ევროპაში ბოლო ადგილზეა - აქ 73 წელზე ნაკლებს ცოცხლობენ.

ბიოლოგები ამ საკითხს რამდენადმე სხვა მხრიდან მიუდგნენ.

როგორც ცნობილია, ცხოველთა ბიოლოგიური სიცოცხლე 7-14 ჯერ მეტია, ვიდრე მათი ზრდის პერიოდი. მაგალითად: ცხენის ზრდას 3-4 წელი სჭირდება და 20-30 წელი ცოცხლობს; ძაღლი იზრდება 1.5-2 წელი და ცოცხლობს 15-20 წელიწადს. თუ ამ კანონზომიერებით მივუდგებით ადამიანთა სიცოცხლეს, მივიღებთ ასეთ სურათს: ადმიანი ზრდას ასრულებს 20 წლის ასაკში, გამოდის, რომ მან 200 წელი უნდა იცოცხლოს. ასეთია მისი სიცოცხლის ბიოლოგური ზღვარი.