საქართველოს პრეზიდენტმა ელდარ შენგელაიას 80 წლის იუბილე მიულოცა და ქართულ კულტურასა და კინომატოგრაფიაში შეტანილი განსაკუთრებული წვლილისთვის, ხელოვანი სახელმწიფოს უმაღლესი ჯილდოთი, ბრწყინვალების ორდენით დააჯილდოვა.საიუბილეო ღონისძიების ფარგლებში თეატრის, მუსიკის, კინოსა და ქორეოგრაფიის სახელმწიფო მუზეუმის "უკვდავთა თაღში’’ რეჟისორ ელდარ შენგელაიას ხელის ანაბეჭდის დაფა გაიხსნა.მისალოც სიტყვაში სააკაშვილმა განაცხადა:"ელდარ შენგელაია არის სულით ახალგაზრდა, რადგან არის ადამიანი, რომელიც მუდმივად ახალს სწავლობს და ყველაფერ ახალს უყურებს კეთილი თვალით, ესეც არის გენიოსობის დამახასიათებელი თვისება. რა თქმა უნდა, ყველანი გავფრინდებით, აუცილებლად, ჩვენი ქვეყანაც გაფრინდება ყველა იმის ჯინაზე, ვისაც უნდა დაგვაკაოს, დაგვამიწოს, ცხრაკლიტულში მოგვათავსოს. ჩვენი მთავარი ნატვრა ახდება, ყველაზე გაბედული რაღაცები მოხდება და საქართველო ისეთი იქნება, როგორიც ერთაოზს წარმოედგინა და, როგორც ჩვენ ყველას გვინდა"...