ამერიკელმა კინოკრიტიკოსთა საზოგადოებამ წლის საუკეთესო ფილმად ავსტრიელი რეჟისორის მაიკლ ჰანეკეს ფილმი "სიყვარული" დაასახელა. ჰანეკე აგრეთვე საუკეთესო რეჟისორად აღიარეს, ხოლო მთავარი როლის შემსრულებელი ემანუელ რივუ წლის საუკეთესო ქალ მსახიობად დაასახელეს.

ფილმი " სიყვარული" მოგვითხრობს მოხუცი ფრანგი წყვილის დრამატული ისტორიის შესახებ. ერთი შეხედვით მათ ბედნიერი ცხოვრება განლიეს, მაგრამ ცხოვრების მიწურულს მათ დიდი პრობლემები ექმნებათ.

2012 წლის საუკეთესო მსახიობ მამაკაცად კი დანიელ დეი ლუისი აირჩიეს ფილმ "ლინკოლნში" შესრულებული როლისათვის. ამავე ფილმმა მოიპოვა საუკეთესო სცენარის ტიტული.

მეორეხარისხოვანი როლებიდან კინო კრიტიკოსებმა მეტიუ მაქკონაჰი და ემი ადამსი გამოარჩიეს.