როგორც რუსული საინფორმაციო სააგენტოებიდან შევიტყეთ, ლელა წურწუმია თავის მეუღლესთან, მისივე პროდიუსერ კახა მამულაშვილთან ერთად 8 იანვარს სამუშაოდ სომხეთში გაემგზავრა. რამდენადაც აღმოჩნდა, ეს ფაქტი სიმართლეს არ შეესაბამება, რადგანაც, 10 იანვარს საზოგადოებრივი მაუწყებლის დილის გადაცემაში გავიდა სიუჟეტი, სადაც მომღერალი აცხადებდა, რომ არსად არ წასულა და თავისი მოღვაწეობის გაგრძელებას საქართველოში აპირებს. ასევე აღნიშნა, რომ პოლიტიკა მის სამუშაოსთან არავითარ კავშირში არ იყო. საინტერესოა რისთვის დასჭირდათ რუსულ სააგენტოებს სიცრუის გავრცელება?