ეს უნიჭიერესი ადამიანი, რომელმაც როგორც სხვა უამრავის, ასევე ჩემი გულიც მოინადირა თავისი არაჩვეულებრივი სიმღერით, პირადად ჩემთვის დიდი სიხარული და იმედია. ლუკამ ეკრანზე პირველივე გამოჩენისას მომხიბლა, არამარტო სიმღერით გაგიკვირდებათ და სულ რომ უკრიტიკებენ იმ ხასიათითაც. მაშინ ალბათ ბევრს არ ეგონა, მაგრამ დღეს უკვე, ლუკა ზაქარიაძე საქართველოს ნამდვილი და მე თუ მკითხავ ყველაზე გამორჩეული და მანათობელი ვარსკვლავია, რომელსაც ჯერ ყველაფერი წინ აქვს. ლუკას დიდი პოტენციალი აქვს და ჯერ მხოლოდ დიდი გზის დასაწყისში დგას, ასე რომ მისგან კიდევ ძალიან ბევრს მოველი და არა მარტო უბრალოდ მოველი, მოვითხოვ კიდეც, არც შეიძლება სხვანაირად იყოს, მე ხომ ვარ მსმენელი და იმის შემდეგ რაც მისგან მოვისმინე, რათქმაუნდა რომ მოვითხოვ და არც აქვს გაჩერების უფლება ასეთ ადამიანს.

19 წლი ბათუმელი ბიჭი, ცოტა უჟმური, ჩემი აზრით კი საყვარელი ხასიათით ყველასათვის აღმოჩენად იქცა. '' ქუდები მოიხადეთ, თქვენს წინაშეა მოვლენა'' - ამ ციტატით შეამკო იგი ნიკოლოს რაჭველმა, ნინო ხოშტარიამ კი აღნიშნა, რომ ლუკას საკუთარი კოსმოსი აქვს. მე მათ ვერაფრით შევედავები.

ისღა დამრჩენია დიდი მადლობა გადავუხადო ლუკას, იმ სიამოვნებისა და სიხარულისთვის რაც თავისი სიმღერით მომანიჭა პირადად მე და კიდევ უამრავ მსმენელს. მადლობასთან ერთად ვუსურვებ წარმატებებს და დიდ დიდ მიღწევებს.

ახლა კი იხილეთ ვიდეო, თუ როგორ მივიდა კასტინგიდან ვარსკვლავობამდე ლუკა ზაქარიაძე. ასევე პირადი ფოტოები.