ავღანეთში 19 დეკემბერს დაკარგული ქართველი ჯარისკაცი სერჟანტი გიორგი კიკაძე გარდაცვლილი იპოვეს.ამის შესახებ ინფორმაცია თავდაცვის სამინისტრომ დღეს მიიღო.
განცხადება თავდაცვის სამინისტროში გამართულ საგანგებო ბრიფინგზე მინისტრმა ირაკლი ალასანიამ გააკეთა.„მე და გაერთიანებული შტაბის ხელმძღვანელმა ბატონმა ძნელაძემ მოვინახულეთ გარდაცვლილის ოჯახი, ჩავაყენეთ საქმის კურსში, მე მინდა ბოდიში მოვუხადო გარდაცვლილის დედას, რომ ბოლო დღეებში ავუმაღლე მოლოდინი, რომ შვილი სახლში ცოცხალი დაუბრუნდებოდა, “ – განაცხადა ირაკლი ალასანიამ.
მისივე თქმით, ჯარისკაცის გაუჩინარების დღიდან, თავდაცვის სამინისტრომ და გაერთიანებული შტაბი აქტიურად იყო ჩართული ჯარისკაცის ძებნაში.მისი გადმოსვენება უახლოეს ხანებში მოხდება, მიმდინარეობს მოლაპარაკება.