ესპანური Sport ავრცელებს ინფორმაციას, რომ მადრიდის რეალის და ესპანეთის ნაკრების მეკარემ იკერ კასილასმა შესაძლოა რეალი დატოვოს. ეს იმ შემთხვევაში მოხდება, თუ მიმდინარე სეზონის დასრულების შემდეგ მოურინიო შეინარჩუნებს მთავარი მწვრთნელის ადგილს.

გამოცემის მიმომხილველის აზრით, დიდი შანსია კასილასი მანჩესტერ იუნაიტედში აღმოჩნდეს, სანაცვლოდ კი ბრიტანულმა გრანდმა რეალს ესპანელი დავიდ დე ხეა დაუთმოს.

კასილასისადმი ინტერესს იჩენენ აგრეთვე ლივერპული და მილანი.