უმცირესობის წარმომადგენლები საპარლამენტო საქმიანობას აჩერებენ. გარკვეულმა ნაწილმა ქუთაისი უკვე დატოვა და ისინი თბილისში ბრუნდებიან. მათი პროტესტის მიზეზი კი ქვეყანაში მიმდინარე პოლიტიკური პროცესებია. უმცირესობის წევრებმა გააკეთეს განცხადება მედიასთან. განცხადების შინაარსი შემდეგია:

"ქვეყანა მიადგა ზღვარს, როცა მთავრდება დემოკრატია და განსხვავებული პოლიტიკური შეხედულებების მქონე ადამიანების პოლიტიკური დევნა და განადგურება იწყება. ხელისუფლებამ გამოაცხადა ბრძოლა წესების გარეშე"

ნაციონალური მოძრაობის წევრებს მიაჩნიათ, რომ არსებულ ვითარებაში მათ არ უნდა შეუწყონ ხელი საზოგადოებისათვის ფასადური დემოკრატიის ჩვენებას.