ბარსელონას ნახევარმცველი ჩავი ერნანდესი მანჩესტერ იუნაიტედის უბერებელ ჰავბეკს პოლ სქოულზს მსოფლიო ფეხბურთის ბოლო 15-20 წლის საუკეთესო ნახევარმცველად მიიჩნევს.

"სქოულზი არის მსოფლიო ფეხბურთის საუკეთესო ნახევარმცველი ბოლო 15-20 წლის განმავლობაში. მე ბევრი მისაუბრია ამ თემაზე ჩაბი ალონსოსთან, რომელიც თვლის ასევე, რომ სქოულზი საუკეთესოა. მას შეუძლია როგორც დაცვით, ისე შემტევ ნახევარმცველად თამაში. ის ძალიან ძლიერია. ის არასდროს ანიავებს პასებს, "- უთხრა კატალონიელმა ვარსკვლავმა Daily Mail-ს.

ჩავი საუბრობს ასევე ინგლისურ და ესპანურ ფეხბურთს შორის განსხვავებაზე და თვლის, რომ სქოულზს ესპანეთში რომ ეთამაშა, უფრო მეტად დაფასდებოდა მისი გარჯა.