ალფრედ ნობელის ანდერძმა თითქმის მთელი მსოფლიო გააოცა.

გასაოცარი იმ დროისთვის უზარმაზარი თანხა _ 31 მილიონი შვედური კრონა (თანამედროვე კურსით 100 მილიონი დოლარი) იყო, მაგრამ ყველაზე მოულოდნელი ანდერძის შინაარსი აღმოჩნდა. ნობელის გადაწყვეტილებით, მისი ქონების დიდი ნაწილი, მისივე სახელობის ფონდის დაარსებაში ჩაიდებოდა. ამ ფონდს ყოველწლიურად ის ადამიანები უნდა დაეჯილდოვებინა, რომელთაც ფიზიკის, ქიმიის, მედიცინის, ლიტერატურისა და მშვიდობის დარგში, კაცობრიობის ისტორიაში დიდი წვლილი შეიტანეს. ანდერძი ძალაში ოფიციალურად მისი დაწერიდან მხოლოდ ოთხი წლის შემდეგ შევიდა და პირველი დაჯილდოების ცერემონია 1901 წელს შედგა.