რამიშვილის პასუხი კითხვაზე:რატომ ნიშნავს ბექაურის აღიარება მის უდანაშაულობას? ფული ავიღე! ახლა განსაკუთრებულად მიკერძოებულებისათვის ვხსნი რაშია საქმე: მე სასჯელი მოვიხადე გამოძალვისთვის. ბექაურის ამ აღიარებიდან ირკვევა, რომ სისხლის სამართლის დანაშაული (გამოძალვა) არ ჩამიდენია. ანუ ოთხი წელი ტყუილად ვიჯექი ციხეში და გამომძალველი არა ვარ. ირკვევა, რომ სახელმწიფოს პოლიტიკური თანამდებობის პირებმა ჩემს წინააღმდეგ დაგეგმეს პროვოკაცია. ეს უნდა დამტკიცდეს სასამართლოზეც და უნდა მოხდეს ჩემი ნასამართლევობის მოხსნა და რეაბილიტაცია. ასევე უნდა გამოიკვლიონ ამ საქმის ყველა გარემოება და უნდა დასაჯონ პროვოკაციის შემკვეთნი. ის თუ რატომ ავიღე ფული, არის სხვა საქმე. ეს ასევე არის ასახსნელი. მე ამას ავხსნი და დავამტკიცებ საქმის მასალებით თუ რა მინდოდა. მაგრამ ეს არ იყო ამ გადაცემის თემა. თქვენ კი, უკვე ხავსს ებღაუჭებით ამ უკვე ყავლდაკარგული შეკითხვის ისტერიულად დასმით: "ფული ხომ აიღეო" . ანუ იმაზე ვთანხმდებით, რომ სს დანაშაული არ ჩამიდენია? ეთანხმებით ამას და ახლა "მაშავებთ"? რა სასაცილოები ხართ ეს ნაცები”, - წერს რამიშვილი.