ინტერნეტი - ეს არის ერთმანეთზე მიერთებული კომპიუტერების საჯაროდ ხელმისაწვდომი ქსელი. ინტერნეტის შექმნის ზუსტი თარიღი არ სახელდება, სხვადასხვა ადამიანები ათვლის წერტილად სხვადასხვა მოვლენას ასახელებენ. პირველი ინტერნეტ კავშირი

1969 წლის 29 ოქტომბერს ARPANET-ის ჩართულ ორ კომპონენტს შორის შედგა. ისინი ერთმანეთისგან 640 კილომეტრით იყვნენ დაშორებულნი. ერთი კალიფორნიის უნივერსიტეტში, ქალაქ ლოს-ანჯელესში (UCLA), მეორე კი სტენფორდის კვლევათა ინსტიტუტში (SRI) მდებარეობდა.

მას შემდეგ მრავალი წელი გავიდა და დღეს, ადამიანთა უდიდესს ნაწილს ინტერნეტის გარეშე ცხოვრება ვეღარ წარმოუდგენია. დღესდღეობით ინტერნეტში ჩართვის უამრავი სხვადასხვა საშუალება არსებობს: თანამგზავრული კავშირი, ტელეფონი, ფიჭური კავშირი, სპეციალური ოპტიკო ბოჭკოვანი ხაზები და სხვა. ის დღევანდელი ცხოვრების განუყოფელი ნაწილი გახდა.

საქართველოში ინტერნეტის მომხმარებელთა რიცხვი ბოლო წლებში საგრძნობლად იზრდება, სამწუხაროდ დღეისათვის არ არსებობს ზუსტი მონაცემები იმისა თუ რამდენი მომხმარებელი ჰყავს ქართულ ინტერნეტს. ეს ფაქტი განპირობებულია იმითაც რომ აბონენტს, რომელსაც ინტერნეტი გაჰყავს შემდგომ ხდება ამ ინტერნეტის გამნაწილებელი. ანუ ხშირად რეგისტრირდება ერთი აბონენტი, სინამდვილეში კი მომხმარებელი რამდენიმე პირია. Internetworldstats_ის მონაცემებით 2010 წლისათვის საქართველოში, ინტერნეტით სარგებლობს 1.300 მილიონი ადამინი. მაგალითისათვის 2000 წელს ინტერნეტით სარგებობდა მხოლოდ 20 ათასი ადამიანი.

ამ სტატიაში გთავაზობთ ფოტოებს, რომელიც გვჩვენებს, თუ როგორ შეცვალა ინტერნეტმა მსოფლიო უკანასკნელი 10 წლის მანძილზე.