ზოგჯერ გესმის ადამიანებისგან: "დამღალა ამ სამსახურმა, ყელში ამომივიდა, არანაირი პირადი ცხოვრება"!!! და ასე შემდეგ. თავისით მოდის აზრი: მაშ მიატოვე ეს სამსახური თუ ასე დაგღალა. წარმოგიდგენთ რამოდენიმე რჩევას, როგორ გავანადგუროთ ჩვენი კარიერა:

1)ნუ გააკეთებთ თვითრეკლამირებას. თუ თქვენ კარგი თანამშრომელი ხართ ხელმძღვანელობა თვითონ შეგამჩნევთ. ოდესმე!!! და ნუ შეიმატებთ ცოდნას, რაც იცით ესეც საკმარისია. თქვენ ხომ კარგად ცხოვრობთ, ყოველ შემთხვევაში დღეს. რა იქნება ხვალ ამას რა მნიშვნელობა აქვს.

2)უარი თქვით "სასარგებო ნაცნობობებზე". მათი დანიშნულება კარიერული წინსვლაა. თქვენ, ხომ ეგ არ გჭირდებათ.

3)დარეგისტრირდით ყველა სოციალურ ქსელში და დააყენეთ თქვენს სამუშაო კომპიუტერზე ონლაინ თამაში. აუცილებლად ითამაშეთ სამუშაო დროს. შეეცადეთ, რომ ამ დროს ხელმძღვანელობამ შემოგისწროთ. თუ ეს შეუძლებელია არაუშავს, ხომ არსებობებ "ყურადღებიანი" თანამშრომლები.

4)ძალიან კარგი იქნება თუ სოციალურ ქსელებში დაიწყებთ ხელმძღვანელობის გაკრიტიკებას და გამოთქვამთ თქვენს უკმაყოფილებას.

5)გამოხატეთ მუდმივი უკმაყოფილება ხელფასით, თანამშრომლებით და სამუშაო გარემოთი. გახსოვდეთ ამან ხელმძღვანელობამდე უნდა მიაღწიოს.

6)რეგულარულად დააგვიანეთ სამსახურში და ეცადეთ ადრე წახვიდეთ სამსახურიდან.

7)რაც შეიძლება მეტი დაპირება მიეცით ხელმძღვანელობას და რაც შეიძლება ნაკლები შეასრულეთ.

8)სამსახურში ისე მოიქეცით, როგორც საკუთარ სახლში. ხმამაღლა ილაპარაკეთ, იჭორავეთ. მუდამ იწუწუნეთ პირად პრობლემებზე.

9)და ბოლო: გამოიყენეთ კორპორატიული წვეულებები თქვენს სასარგებლოდ. დათვერით პულსის დაკარგვამდე-ეს აუცილებლად გამოიღებს საჭირო ეფექტს.

მიყევით ამ რჩევებს და თქვენ აუცილებლად შეაჩერებთ თქვენს კარიერულ წინსვას. შესაძლოა სამუდამოდაც.