კანადელმა მკვლევარებმა სენსაციური აღმოჩენა გააკეთეს, მათ ბერმუდის სამკუთხედის ტერიტორიაზე უძველესი ჩაძირული ქალაქი აღმოაჩინეს. მეცნიერთა ჯგუფმა კანადიდან, რომელთაც ოჯახური წყვილი პოლ ვაინცვეიგა და პოლინა ზალიცკი მეთაურობდნენ მყვინთავი რობოტის საშუალებით შეისწავლა ოკეანის ფსკერი ბერმუდის სამკუთხედის ტერიტორიაზე. ბერმუდის სამკუთხედი მდებარეობს კუბის ჩრდილო, ჩრდილო-აღმოსავლეთით.

ჰიდროლოკატორის მონაცემების შესწავლისას მეცნიერებმა 180 მეტრის სიღრმეზე კუბას სანაპიროდან 700 მეტრში უძველესი ქალაქი აღმოაჩინეს. ქალაქი მოიცავს გზებს, გვირაბებს, პირამიდებს და სხვა შენობებს.ერთ-ერთი პირამიდა მინისგანაა აშენებული, აქვე ჩანს სფინქსის მსგავსი სკულპტურა. შენობების კედლებზე წარწერები შეიმჩნევა.მეცნიერთა აზრით ქალაქი მოგვაგონებს ძველი ლათინოამერიკული კულტურების ქალაქებს, კერძოდ კი ცივილიზაცია ტეოტიუკანის ქალაქს. ამ ცივილიზაციამ სიმძლავრეს პირველ ათასწლეულში მიაღწია.