მოგზაურობა ყველაზე ლამაზი კასკადური ჩანჩქერები (+ულამაზესი ფოტოები) 2012, 8 ნოემბერი, 18:59 მინდა წარმოგიდგინთ რამოდენიმე ულამაზესი ადგილი მსოფლიოში. "კასკადი" ეს არის საფეხურებად გადმომჩქეფარე ბუნებრივი ან ხელოვნური წყალვარდნილი. ამ სტატიაში რამოდენიმე ბუნებრივ წყალვარდნილზე, ანუ კასკადურ ჩანჩქერზე გვექნება საუბარი.
1)პამუკალე, თურქეთი: ეს ჩანჩქერი თურქეთის ერთ-ერთი გეოლოგიური საოცრებაა, ის ცნობილია თავისი ულამაზესი თეთრი ფერდობებით. მთის მწვერვალზე ასობით ათასი წლის განმავლობაში მჩქეფარე თერმალურმა წყაროებმა შექმნეს ლამაზი ტერასები სხვადასხვა სიღრმის წყალსაცავებით. ეს უმშვენიერესი პეიზაჟი წყალმა, ქვამ და მინერალურმა მარილებმა შექმნა.
2)ყვითელი დრაკონის ჩანჩქერი, ჩინეთი: წითელი კლდეებით თემოსაზღვრული ტერიტორია დაფარულია მცირე კასკადური ჩანჩქერებით ცისფერი წყლით, რომლის ფსკერზეც ბზინავს ყვითელი მინერალური დანალექები, სწორედ ამ დანალექების წყალობით მიიღო ამ ადგილმა ყვითელი დრაკონის სახელწოდებე. ზოგ წყალსაცავში სხვადასხვა ფერის წყალმცენარე იზრდება და მათ შესაბამის შეფერილობას აძლევს.
3)ჩანჩქერი სემუკ ჩემპაი, გვატემალა: სემუკ ჩემპაი წმინდა წყალს ნიშნავს. ამ ადგილისათვის დამახასიათებელია პატარა ჩანჩქერების სიმრავლე და ტროპიკული ტყის განსაკუთრებული სიხშირე. ტერიტორია კლდეებითაა შემოსაზღვრული. გვატემლას ბუნებრივ ღირსშესანიშნაობებს შორის ამ ადგილს განსაკუთრებული ადგილი უჭირავს. 4)ჩანჩქერი კუანგ-სი: განლაგებულია მდინარე მეკონგის მარცხენა სანაპიროზე, ლუაკბჰაბანგიდან 32 კილომეტრში მდებარე ნაციოლარულ პარკში. ჩანჩქერი შედგება ძირითადი 54 მეტრის სიმაღლის კასკადისა და სხვა მცირე ჩანჩქერებისგან. კასკადებს შორის განლაგებულია ულამაზესი ფირუზისფერი წყლით სავსე წყალსაცავები. 558 7-ს მოსწონს
|