ხაჭოს უნგრული ღვეზელი

ნამცხვრები

23 აპრილი, 8:58

ინგრედიენტები ცომისთვის:

რძე — 200 მლ.
ფქვილი — 400 გრ.
საფუარი (სწრაფად ხსნადი) — 1 ჩ. კ.
შაქარი — 100 გრ.
სიმინდის სახამებელი — 1 ს. კ.
მარილი — 1/2 ჩ. კ.
კარაქი (გამდნარი) — 50 გრ.
კვერცხის გული — 2 ცალი (1 ცომში, მეორე - გადასასმელად)
ზეთი — ხელებზე წასასმელად და თასის გვერდებზე წასასმელად

ინგრედიენტები გულსართისთვის:

ხაჭო — 500-550 გრ.
შაქარი — 100 გრ.
ვანილინი — 1 პაკეტი
მანანის ბურღული — 2 ს. კ.
არაჟანი — 1 ს. კ.
კვერცხის ცილა — 2 ცალი
ფორთოხალი — 1/2 ცალი (ცედრა ცალკე, წვენი ცალკე)
შაქრის პუდრი — მზა ღვეზელზე მოსაფიფქებლად

მომზადება:

I. შეათბეთ რძე, არაუმეტეს 30 გრადუსზე > გადაიტანეთ ღრმა ჯამში > დაამატეთ 1 ს. კ. შაქარი და საფუარი > ერთმანეთს შეურიეთ და გააჩერეთ 5-10 წუთი, რომ ხაში ამოვიდეს.

II. როდესაც ხაშს ბუშტები გაუჩნდება, დაამატეთ დანარჩენი შაქარი, 1 კვერცხის გული, გამდნარი კარაქი > ხელის სათქვეფით, ყველაფერი კარგად შეურიეთ.

III. თასში დააცერით ფქვილი და სახამებელი < შეურიეთ ერთმანეთს კოვზით, ან დასაკრემით > მოზილეთ ცომი ხელით, 5-7 წუთის მანძილზე. თავიდან ცომი ხელზე მოგეკრობათ, მაგრამ ფქვილის დამატება საჭირო არ არის. გააგრძელეთ პროცესი და ცოტა ხნის შემდეგ, აღარ მოგეწებებათ > თასის გვერდებს და ფსკერს მოუსვით ზეთი და მოათავსეთ შიგნით ცომი > გადააკარით სამზარეულოს აპკი და დადგით ასაფუებლად 1 სთ. დროის ამ პერიოდში, ცომი უნდა გაორმაგდეს.

IV. ვიდრე ცომს ელოდებით, – მოამზადეთ გულსართი: თასში მოათავსეთ ხაჭო > დაამატეთ არაჟანი და ჩანგლით შეურიეთ ხაჭოს > დაამატეთ ვანილინი, მანანის ბურღული, ფორთოხლის ცედრა და ფორთოხლის წვენი > შეურიეთ ერთმანეთს ბლენდერით ან ჩანგლით – ერთგვაროვანი მასა უნდა მიიღოთ.

V. ცალკე თასში ათქვიფეთ ცილა – უნდა მიიღოთ მყარი ქაფი, რომელიც თასის გადმობრუნებისას, არ გადმოიქცევა > დაამატეთ შაქარი ნაწილ–ნაწილ > ათქვეფილი ცილა გადაიტანეთ ხაჭოს თასში და ფრთხილად შეურიეთ შეურიეთ ერთმანეთს დასაკრემით.

VI. ცომი მოათავსეთ სამუშაო მაგიდაზე > ცოტა ფქვილი მოაყარეთ მაგიდას და ცომს > გააბრტყელეთ 4 მმ. სისქეზე, მიეცით მართკუთხედის ფორმა > დაჭერით ცომი კვადრატებად (სავარაუდოდ, 12 ცალს მიიღებთ) > თითოეული კვადრატის ცენტრში მოათავსეთ 1 ს. კ. გულსართი > შეაერთეთ ცომის კუთხეები ცენტრში.

VII. მოათავსეთ გამზადებული ღვეზელი პერგამენტზე, საცხობ ფირფიტაზე > გადაუსვით ზემოდან 1 ს. კ–ში ათქვეფილი კვერცხის გული და გააჩერეთ 15 წთ, რომ ცომმა დაისვენოს, პარალელურად, გააცხელეთ ღუმელი 180 გრადუსზე > გამზადებული საცხობი ფირფიტა შედგით ღუმელში - 25-30 წუთი > როდესაც ღვეზელი გაგრილდება, მოაფიფქეთ შაქრის პუდრი.

თქვენთვის ასევე საინტერესო იქნება:

ბუშტებიანი ღვეზელი ტკბილი გულსართით

ინგრედიენტები:

ფქვილი — 300 გრ.
მარილი— ¼ ჩ. კ.
კარაქი — 30 გრ.
ზეთი — 50 მლ.
წყალი (ოთახის ტემპერატურის) — 200 მლ.
ვაშლი — 300 გრ.
ბანანი — 450 გრ.
ქიშმიში — 100 გრ.