ვინც საბჭოთა პერიოდი გამოიარა, კარგად ემახსოვრებათ, სატვირთო ავტომობილები გალიით, ყველამ კარგად იცოდა, რომ უპატრონო ძაღლების და კატების მორიგი წყების წასყვანად იყვნენ მოსულები.საშინელი სანახავი და მოსასმენი იყო ეს პროცესი, ძაღლებს სპეციალური ბადეებით იჭერდნენ, რომლებიც საცოდავად წკავწკავებდნენ, ხშირი იყო კონფლიქტიც, როდესაც მაცხოვრებლები უბნის ძაღლს იცავდნენ, ან მალავდნენ, ან სულაც აიძულებდნენ უკან დაებრუნებინათ, რაც იშვიათად ხდებოდა.

მაინც რას უშვრებოდნენ მაწანწალა ცხოველებს?

უპირველეს ყოვლისა, უნდა უარვყოთ ერთი საყოველთაოდ გავრცელებული ქალაქური ლეგენდა, რომ თითქოს ძაღლებისგან სარეცხის საპონს ამზადებდნენ, ეს არის მითი!

სსრკ-მ მიიღო კანონი, რომელიც ძაღლის ყველა მფლობელს ავალდებულებდა შინაური ცხოველების რეგისტრაციას. არ უნდა ყოფილიყო დაურეგისტრირებელი და უსახლკარო ძაღლები.

ეს მოთხოვნა ისე, ჰაერიდან არ გაჩენილა და არც ყველა ძაღლისა და კატის დათვლის სურვილით. საქმე იმაშია, რომ უპატრონო და გარეული ცხოველები ხშირად ცოფით და სხვა ინფექციებით ავადდებიან და მიუხედავად იმისა, რომ ცოფის ვაქცინა გამოიგონეს ჯერ კიდევ 1885 წელს, მოქალაქეების მასობრივად ვაქცინაცია ჯერ კიდევ შეუძლებელი იყო.

ამიტომ ბრძანებულება "ძაღლებში ცოფთან ბრძოლის საწინააღმდეგო ზომების შესახებ". ამ დოკუმენტის მე-2 პუნქტის მიხედვით, ყველა დაჭერილი მაწანწალა ძაღლი უნდა განადგურებულიყო.

ზემოაღნიშნული დადგენილების მე-3 პუნქტში მოცემულია განმარტება: იმ შემთხვევაში თუ ძაღლების დაჭერის ტერიტორიაზე არის უტილიზაციის პუნქტები, მაშინ მოკლული ცხოველების ლეში ექვემდებარება გადამუშავებას. მაგალითად, ტყავი და ბეწვი გამოიყენებოდა ბეწვის პროდუქტების წარმოებისთვის (ქუდები, ჩექმები, ქურთუკები, საყელოები და ა..შ)ხოლო ლეშის და ძვლების გადამუშავების შედეგად ამზადებდნენ "კორმას", რომელიც გამოიყენებოდა შინაური ცხოველების საკვებად.

უფრო მეტიც, ნებისმიერ მოქალაქეს შეეძლო ფულის გამომუშავება მაწანწალა ძაღლის დაჭერით. 1 ძაღლის ჩაბარებაში 1 მანეთს იძლეოდნენ.

და ბოლოს მნიშვნელოვანი ასპექტი: პირს, რომელსაც დარეგისტრირებული საყვარელი შინაური ცხოველი გაექცა ან დაეკარგა უყურადღებობის გამო, თუ დაჭერის შედეგად უტილიზაციის პუნქტში მოხვდებოდა, 6 თვის განმავლობაში შეეძლო მისულიყო და წამოეყვანა ცხოველი, ანალოგიური მოქმედებდა უბნის მაწანწალა ძაღლზეც, თუმცა აუცილებლად უნდა გაევლო რეგისტრაცია.