“მედეა ჯაფარიძეზე ლაპარაკი ჩემთვის ადვილიც არის ძნელიც. ადვილი იმიტომ, მისი სახე, ბუნება ჩემთვის ნათელია. მედეა ლამაზია, ძალიან ლამაზი და ეს ხომ საუნჯეა, სიმდიდრეა მსახიობისთვის.

მის სილამაზეში თავმოყრილია საუკეთესო თვისებები — გაზაფხულის სურნელება, სულიერი სიწმინდე, კეთილი და მოსიყვარულე გული, კეთილშობილური გრძნობები, რომლებსაც ისე დაუზოგავად უწილადებს ყველას, სულერთია ახლობელია ის, თუ შორეული, ნაცნობი თუ უცნობი. ადამიანში ყოველთვის ჰარმონიულობა ეძებს, მაგრამ სინამდვილე მკაცრია და ხშირად ტყუვდება ადამიანში, მაშინ საშინლად განიცდის ამას...

საერთოდ, მედიკო მაგონებს გაზაფხულის ყვავილს, რომელიც ნაზ სურნელებას გამოსცემს და გათრობს". - ვერიკო ანჯაფარიძე