შეხვედრა დონალდ ტრამპისა და რუსეთის პრეზიდენტის ვლადიმერ პუტინის სამიტისთვის გზის გაღებას ისახავდა მიზნად. რუსეთი და აშშ შეთანხმდნენ სამშაბათს, დაიწყებენ მუშაობას უკრაინაში ომის დასრულებისა და დიპლომატიური და ეკონომიკური კავშირების გასაუმჯობესებლად, განაცხადეს ორი ქვეყნის უმაღლესმა დიპლომატებმა მოლაპარაკების შემდეგ, რომელიც ასახავდა აშშ-ს საგარეო პოლიტიკას პრეზიდენტ დონალდ ტრამპის დროს. შეხვედრის შემდეგ “ესოშიეით პრესთან" ინტერვიუში აშშ-ს სახელმწიფო მდივანმა მარკო რუბიომ თქვა, რომ მხარეები შეთანხმდნენ სამი მიზნის განხორციელებაზე: ვაშინგტონსა და მოსკოვში შესაბამის საელჩოებში პერსონალის აღდგენა, მაღალი დონის გუნდის შექმნა უკრაინის სამშვიდობო მოლაპარაკებების მხარდასაჭერად და მჭიდრო ურთიერთობებისა და ეკონომიკური თანამშრომლობის შესასწავლად. თუმცა, მან ხაზგასმით აღნიშნა, რომ მოლაპარაკებები - რომელსაც ესწრებოდნენ მისი კოლეგა სერგეი ლავროვი და სხვა მაღალი რანგის რუსი და ამერიკელი ოფიციალური პირები- საუბრის დასაწყისი იყო და მეტი სამუშაოა გასაკეთებელი. ლავროვმა გაიმეორა რუბიოს შენიშვნები და ჟურნალისტებს განუცხადა, რომ “საუბარი ძალიან სასარგებლო იყო". “ჩვენ არამხოლოდ მოვუსმინეთ, არამედ გავუგეთ ერთმანეთს", - თქვა მან. ტრამპის მრჩეველი ეროვნული უსაფრთხოების საკითხებში მაიკლ უოლცი და სპეციალური წარმომადგენელი ახლო აღმოსავლეთში სტივენ ვიტკოფი შეუერთდნენ რუბიოს მაგიდას ლავროვთან და რუსეთის პრეზიდენტის ვლადიმერ პუტინის საგარეო საკითხებში მრჩეველთან, იური უშაკოვთან ერთად. არცერთი უკრაინელი ოფიციალური პირი არ ესწრებოდა შეხვედრას, რომელიც შედგა მას შემდეგ, რაც ალყაში მოქცეული ქვეყანა ნელა, მაგრამ სტაბილურად კარგავს ადგილს უფრო მრავალრიცხოვან რუს ჯართან წინააღმდეგ ბრძოლაში, რომელიც თითქმის სამი წლის წინ დაიწყო. უკრაინის პრეზიდენტმა ვლადიმირ ზელენსკიმ თქვა, რომ მისი ქვეყანა არ მიიღებს რაიმე შედეგს მოლაპარაკებებიდან, რადგან კიევი არ მონაწილეობდა მოლაპარაკებებში.