ისტორიაში თვითმფრინავის ერთადერთი ამოუხსნელი გატაცება მოხდა 1971 წლის 24 ნოემბერს, ეს იყოაშშ-ის პორტლენდიდან სიეტლისკენ მიმავალი Northwest Orient Airlines-ის რეისი 305,

ამ დღეს შუახნის მამაკაცი, რომელმაც ბილეთი იყიდა სახელით "დენ კუპერი" , ავიდა თვითმფრინავში Boeing 727. იგი ელეგანტურად გამოიყურებოდა—შავი კოსტიუმი ეცვა, ჰალსტუხი და მზის სათვალე ეკეთა.

თვითმფრინავის აფრენის შემდეგ, კუპერმა ბორტგამცილებელს გადასცა ბარათი. გამცილებელმა იფიქრა, რომ მგზავრი მისთვის ტელეფონის ნომრის მიწერას ცდილობდა და ყურადღება არ მიაქცია. მაგრამ კუპერმა ჩუმად უთხრა:
"ქალბატონო, უმჯობესია წაიკითხოთ. ჩემთან ბომბია."

ბარათზე ეწერა, რასაც კუპერი ითხოვდა:
$200, 000 (დღევანდელი ექვივალენტი დაახლოებით $1.5 მილიონი),
ოთხი პარაშუტი,
ავზის შევსება თვითმფრინავის საწვავით სიეტლში.

ავიაკომპანიამ დაუყოვნებლივ აცნობა FBI-ს, რომელიც დასთანხმდა გამოსასყიდის გადახდას და მოთხოვნების შესრულებას.

ფრენა სიეტლში მშვიდობიანად დასრულდა. კუპერმა გაათავისუფლა ყველა მგზავრი, გარდა ბორტგამცილებლებისა და ეკიპაჟისა. მას თანხა და პარაშუტები გადაეცა, რის შემდეგაც თვითმფრინავი კვლავ აფრინდა მისი ახალი მიმართულებით: მექსიკა.

მაგრამ გზაში, ნევადის თავზე, კუპერმა ბორტგამცულებლებს უბრძანა კაბინაში დარჩენილიყვნენ. რამდენიმე წუთში, მათ იგრძნეს წნევის ცვლილება—კუპერმა გახსნა უკანა კარიბჭე და პარაშუტით გადახტა ღამის სიბნელეში.

FBI-მ მასშტაბური გამოძიება დაიწყო, მაგრამ კუპერი ვერსად იპოვეს.
მიუხედავად იმისა, რომ 1980 წელს კოლუმბიის მდინარეში ბავშვმა იპოვა $5, 800 კუპერის გამოსასყიდი ფულიდან, კუპერის ბედი დღემდე უცნობია.

ამ შემთხვევამ შთააგონა მრავალი წიგნი, დოკუმენტური ფილმი და თეორია—ზოგი ფიქრობს, რომ კუპერი გადარჩა და დღემდე სადღაც ცხოვრობს, ზოგი კი ვარაუდობს, რომ გადახტომისას დაიღუპა.

რატომ ფიქრობენ, რომ შეიძლება დაიღუპა?

უამინდობა – კუპერი გადახტა ღამის სიბნელეში, ძლიერი ქარის პირობებში, რაც უკიდურესად სახიფათო იყო.

ადგილმდებარეობა – ის გადახტა მთაგორიან, ტყიან რეგიონში. ასეთ პირობებში, დაშვებისას დაშავებას ან სიკვდილს საკმაოდ მაღალი ალბათობა ჰქონდა.

აღჭურვილობა – კუპერს არ ჰქონდა სპეციალური სამოსი, რომელიც დაიცავდა ცივ ამინდში, არც სათანადო ფეხსაცმელი. მისი პარაშუტი არ იყო საჭემმართავი ტიპის, რაც ნიშნავდა, რომ ვერ გააკონტროლებდა, სად დაეშვებოდა.

არანაირი კვალი – კუპიურების დიდი ნაწილი (დაახლოებით $194, 200) არაარსდროს გამოჩენილა

თუმცა ადამიანების რარაც ნაწილი რატომ ფიქრობს, რომ გადარჩა?

ფულის პოვნა – გამოსასყიდიდან $5, 800 იდუმალი მიგნებაა, რადგან არავინ იცის, როგორ მოხვდა იქ.

პოტენციური ეჭვმიტანილები – დროთა განმავლობაში გამოვლენილი იქნა რამდენიმე პიროვნება, რომლებიდანაც შესაძლოა, ერთ-ერთი მაინც ყოფილიყო კუპერი, მაგრამ ვერცერთის ბრალეულობა ვერ დაამტკიცეს 100%-ით.

ჭკვიანი დაგეგმვა – კუპერი ძალიან კარგად ერკვეოდა თვითმფრინავებში, რაც აჩენს ეჭვს, რომ შესაძლოა ყოფილიყო გადამდგარი სამხედრო პირი ან სპეცრაზმელი, რომელსაც გადარჩენის გამოცდილება ჰქონდა.

ზოგი ფიქრობს, რომ ის პატარა ქალაქში მიიმალა, ახალი ცხოვრება დაიწყო. ზოგი კი ვარაუდობს, რომ ის ბუნებაში დაიღუპა, ხოლო მისი სხეული ველურმა ბუნებამ შთანთქა.

2016 წელს ოფიციალურად დაიხურა გამოძიება, კუპერი კი ისტორიის ერთ-ერთ უდიდეს ამოუხსნელ საიდუმლოდ დარჩა.