"შალალო ფორმაშია!

ერთი ამასღა ჰქონდა სურათი გადასაღები ულისონა პაპასთან და ამანაც გადაიღო. თან ჩაუტანა ცხელ-ცხელი ამბები საქართველოდან, ეჭორავა ბიძინა ივანიშვილზე - სთხოვა, ემუდარა, დროზე დაასანქცირეთ, არ დაინდოთ, მისი ოჯახის წევრები და ნათესავ-მეგობრებიც ზედ მიაყოლეთო.

ულისონა პაპამ - ეგრეც ვიზამთ, შენ მაგაზე არ ინერვიულოვო.

შალალომ - ერთი თქვენი იმედიღა დაგვრჩა, ერთი თქვენღა იბრძვით ქართველი ხალხის საკეთილდღეოდ, თორემ ხომ ხედავთ, ტრამპი რას შვრებაო!

ულისონა პაპამ - ამ წუთას გამოვედი ტრამპის კაბინეტიდან, მთელი ღამე ერთად გავატარეთ, საქართველოს საკითხებზე ვბჭობდით, მინდა იცოდეს ქართველმა ხალხმა, რომ დონალდს გაყალბებები არ უყვარსო.

შალალომ - როგორც გრიშა გეგელიამ მოგახსენათ, თქვენ ქართველი ხალხის ღმერთი ხართ, ნება გვიბოძეთ, წმინდანად შეგრაცხოთო!

ულისონა პაპამ - ჰო, მაგრამ წნინდანად რო შემრაცხავთ, ეკლესია-მონასტრებში როგორ მომიხსენიებთო?

შალალომ - როგორც წმ. ულისონ მართალსო... უფრო სწორად, წმ. ულისონ მმუსვრელსო!

ულისონა პაპამ - ჰო, მეორე ვერსია უფრო მხიბლავს, მე ხომ ივანიშვილისა და მისი გარემოცვის მმუსვრელი ვარო?

შალალომ - დიახ, ჩვენო სუყველაყავ, სწორედაც რომ ეგრეა, ნება მიბოძეთ, მადლიერების ნიშნად მუხლებზე გემთხვიოთო.

ულისონა პაპამ - ეხლა არა, ხაზარაძემ, ორმა ჯაფარიძემ, ჭიჭემ, გეგელიამ და სხვებმა იმდენი მკოცნეს მუხლებზე, უკვე გადატყავებული მაქვსო.

როგორც სურათზე ხედავთ, შალალო კმაყოფილებას ვერ მალავს... პრინციპში, რა აქვს დასამალი?"-წერს სოციალურ ქსელში გელა ზედელაშვილი.