ფეხბურთისა და პოლიტიკის შესაყარზე გამოჩნდა რამდენიმე ცნობილი ფიგურა, რომლებმაც ფეხბურთის მოედნიდან პოლიტიკურ თანამდებობებზე გადაინაცვლეს.

1. მიხეილ ყაველაშვილი

მიხეილ ყაველაშვილი, ყოფილი პროფესიონალი ფეხბურთელი, რომელიც შვეიცარიასა და „მანჩესტერ სიტიში“ თამაშობდა, 2024 წელს საქართველოს პრეზიდენტად აირჩიეს. მჭიდრო კავშირშია „ქართულ ოცნებასთან“, რომელიც ცნობილია თავისი ევროსკეპტიკური და კონსერვატიული პოლიტიკით.

2. კახა კალაძე

კახა კალაძემ, რომელიც „მილანში“ თამაშობდა და მოიგო მრავალი ჯილდო, მათ შორის უეფას ჩემპიონთა ლიგა, სპორტული კარიერის დასრულების შემდეგ პოლიტიკაში გადაინაცვლა და თბილისის მერი გახდა. მანამდე ენერგეტიკის მინისტრი იყო. როგორც პარტია „ქართული ოცნების“ წევრი მისი პოლიტიკური საქმიანობა გადაჯაჭვულია ენერგეტიკისა და ინფრასტრუქტურასთან დაკავშირებულ საკითხებთან.

3. სოკრატესი და ზიკო

ბრაზილიური ფეხბურთის ისტორია მდიდარია პოლიტიკურად აქტიური მოთამაშეებით. სოკრატესი, რომელიც ცნობილი იყო თავისი პირდაპირობით ბრაზილიაში სამხედრო დიქტატურის დროს, აქტიურად მხარს უჭერდა დემოკრატიულ რეფორმებს 1980-იან წლებში.

ზიკო სპორტული კარიერის დასრულების შემდეგ პოლიტიკის გზას დაადგა და ბრაზილიის სპორტის მინისტრის თანამდებობა დაიკავა, მაგრამ მხოლოდ ერთი წლის შემდეგ გადადგა ბიუროკრატიული გაჭიანურებით უკმაყოფილების გამო.

4. პელე

1995 წელს პრეზიდენტმა ფერნანდუ კარდოზუმ პელე დანიშნა ბრაზილიის სპორტის საგანგებო მინისტრად. მისი წვლილი მოიცავდა „პელეს კანონის“ მიღებას, რომელიც მიზნად ისახავდა გამჭვირვალობის გაზრდას და კორუფციასთან ბრძოლას ბრაზილიურ ფეხბურთში.

5. რომარიო

რომარიოს პოლიტიკური კარიერა 2010 წელს დაიწყო, როდესაც ბრაზილიის დეპუტატთა პალატაში აირჩიეს. სხვა პარტიებში ხანმოკლე გადასვლის შემდეგ შეუერთდა ლიბერალურ პარტიას 2021 წელს. მან ხმამაღლა განაცხადა, რომ არ ეთანხმება ფეხბურთის მსოფლიო ჩემპიონატის ორგანიზებას და მის შედეგებს ბრაზილიის ეკონომიკაზე.

6. რობერტო დინამიტი

რობერტო დინამიტი, „ვასკო და გამას“ ლეგენდარული მოთამაშე, პოლიტიკურ საქმიანობას შეუდგა. 1992 წლიდან 2006 წლამდე იკავებდა სხვადასხვა საჯარო თანამდებობებს რიო-დე-ჟანეიროს შტატში.

7. კაი ლეო იოჰანსენი

კაი ლეო იოჰანსენი, რომელმაც თავისი სათამაშო კარიერა ფარერის კუნძულებზე გაატარა, იყო პრემიერ მინისტრი 2008 წლიდან 2015 წლამდე. მისი ორმაგი როლი მცირე ქვეყნებისთვის დამახასიათებელი მრავალფუნქციურობის მაგალითია.

8. ალბერტ გუდმუნდსონი

ალბერტ გუდმუნდსონი, ერთ-ერთი პირველი ისლანდიელი ფეხბურთელი, რომელიც თამაშობდა ისეთ კლუბებში, როგორიცაა „არსენალი“ და „მილანი“, სპორტული კარიერის დასრულების შემდეგ პოლიტიკაში წავიდა. ისლანდიის პარლამენტში მუშაობდა. იყო ფინანსთა და მრეწველობის მინისტრი.

9. თომას ბოდსტრომი

AIK-ის ყოფილი მოთამაშე თომას ბოდსტრომი იუსტიციის მინისტრი გახდა შვედეთში მას შემდეგ, რაც ფეხბურთიდან სამართალსა და პოლიტიკაზე გადავიდა.

10. ჯანი რივერა

„მილანის“ ლეგენდა იტალიის პარლამენტში და თავდაცვის მინისტრის მოადგილედ მუშაობდა.

11. კვაუტემოკ ბლანკო

ცნობილი მექსიკელი ფეხბურთელი, რომელსაც ეკავა სხვადასხვა პოლიტიკური თანამდებობა, მათ შორის იყო მორლოსის გუბერნატორი.

12. სოლ კემპბელი

ინგლისის ნაკრების ყოფილი მოთამაშე, რომელიც კონსერვატიული პარტიის კანდიდატი იყო ლონდონის მერის პოსტზე.

13. ჯორჯ ვეა

ჯორჯ ვეა ერთადერთი ფეხბურთელია, რომელმაც „ოქროს ბურთი“ მოიგო და სახელმწიფოს მეთაური გახდა. პოლიტიკური კარიერა ფეხბურთიდან წასვლის შემდეგ დაიწყო. 2005 წელს წარუმატებლად იყარა კენჭი საპრეზიდენტო არჩევნებში, მაგრამ საბოლოოდ გაიმარჯვა 2017 წელს. მისი პრეზიდენტობა მიმართული იყო ჯანდაცვის გაუმჯობესებაზე და კრიმინალის შემცირებაზე, თუმცა შეეჯახა ისეთ პრობლემებს, როგორიცაა ინფლაციის ზრდა.

14. ახმედ ბენ ბელი

ახმედ ბენ ბელი იყო ალჟირის პირველი პრეზიდენტი დამოუკიდებლობის მოპოვების შემდეგ. საფეხბურთო კარიერის დროს ახმედი იყო აქტივისტი და გახდა მთავარი მოთამაშე ალჟირის საფრანგეთისგან დამოუკიდებლობისთვის ბრძოლაში. მისი ადრეული კავშირი ფეხბურთთან დაჩრდილა აქტიურმა პოლიტიკურმა კარიერამ, რომელიც მოიცავდა სამხედრო სამსახურს და დამოუკიდებობისთვის ბრძოლისთვის ლიდერაობას.

15. ჰაქან შუქური

თურქეთის ფეხბურთის ვარსკვლავი ჰაქან შუქური პარლამენტის წევრად აირჩიეს, მაგრამ თურქეთში პოლიტიკური არეულობის გამო თანამდებობა დატოვა. მოგვიანებით პოლიტიკური შეხედულებების გამო ხელისუფლებასთან წინააღმდეგობაში მოვიდა და ახლა ცხოვრობს ემიგრაციაში აშშ-ში და ინარჩუნებს კავშირს ფეხბურთთან საზოგადოებაში ჩართულობით.

ასევე დაგაინტერესებთ:

პოლიტიკოსების საყვარელი ალკოჰოლური სასმელები

პროექტი „ლურჯი ფარშევანგი“ – როგორ შექმნეს ბრიტანელებმა ბირთვული ნაღმი ცოცხალი ქათმების შიგთავსით

ვინ და რატომ თქვა ფრაზა „მთავარია მონაწილეობა და არა გამარჯვება“

როგორ ფიქრობთ, რატომ შეიძინა იაპონიამ სსრკ-დან უზარმაზარი რაოდენობით გატეხილი მინის ბოთლი?

იცით, საიდან გაჩნდა რწმენა, რომ სტაფილო აუმჯობესებს მხედველობას და რა კავშირი აქვს ბრიტანელ მფრინავებთან?