Japan Today: : 56 წლის განმავლობაში სიკვდილმისჯილი მამაკაცი, რომელიც უდანაშაულო აღმოჩნდა, 200 მილიონ იენს ითხოვს.

88 წლის იაპონელმა მოხუცმა, რომელმაც 56 წელი გაატარა სიკვდილით დასჯის მოლოდინში სხვისი დანაშაულისთვის, მთავრობისგან ითხოვს კომპენსაციას 217 მილიონ იენს (თითქმის 4 მილიონი ქართული ლარი) . ამის შესახებ გამოცემა Japan Today იუწყება.

1966 წელს ყოფილი პროფესიონალი მოკრივე ივაო ჰაკამატა დამნაშავედ სცნეს მისი უფროსის, მისი მეუღლისა და მათი ორი შვილის მკვლელობის გამო. მოგვიანებით ჰაკამატამ დანაშაული აღიარა და 46 წელი გაატარა სიკვდილით დასჯის მოლოდინში.

2014 წელს იაპონელი გაათავისუფლეს. დნმ-ის ტესტირებამ აჩვენა, რომ ის უდანაშაულო იყო და დანაშაული სხვამ ჩაიდინა. თუმცა მოგვიანებით სასამართლომ ეს გადაწყვეტილება გააუქმა. ბოლო ათი წლის განმავლობაში ჰაკამატას და მეურვეობდა , რომელიც მის სრულ გამართლებას ითხოვდა.

2024 წელს გაირკვა, რომ მისდამი წაყენებული ბრალდება გამომძიებლების შეთითხნილი იყო, ხოლო მან დანაშაული ზეწოლის ქვეშ აღიარა. 2025 წლის იანვარში მამაკაცის ადვოკატმა შეიტანა სარჩელი მრავალმილიონიანი კომპენსაციის მოთხოვნით. თავად ყოფილ პატიმარს მძიმე ფსიქიკური აშლილობა აწუხებს, რომელიც პატიმრობის წლებში განუვითარდა. მისმა ოჯახმა ადვოკატის მეშვეობით მოითხოვა 12500 იენი გისოსებს მიღმა გატარებული ყოველი დღისთვის.

მანამდე გავრცელდა ინფორმაცია, რომ სიძუოკას ოლქის, მ ამავე სახელწოდების პრეფექტურის პროკურორმა ჰაკამატას პირადად მოიხადა ბოდიში მისი წინამორბედების შეცდომების გამო. მან დაუჩოქა მოხუცს და თქვა, რომ მან პირადად მოაწერა ხელი ბრძანებას მისი სრული გამართლების შესახებ.