სამხედრო ექსპერტი ამირან სალუქვაძე ტვ იმედის მფლობელის, ირაკლი რუხაძის ინტერვიუს სოციალური ქსელით ეხნაურება, რომელიც რადიო "თავისუფლებას" მისცა.

"გუშინ ირაკლი რუხაძემ ცხრაჯერ გაასწორა მიწასთან სააკაშვილი და ნაცმოძრაობა, აჩვენა "რადიო თავისუფლების" თბილისის სტუდიის (ცენტრალურ ოფისს არ ვეხები) რეალური სახე, ფაქტობრივად ნაცმედიის ნაწილია, მაგრამ "გლავკანალმა" ორსაათნახევრიანი ინტერვიუდან მხოლოდ ეს გაიგო.

ირაკლი რუხაძემ ახსნა რისთვის აქვს ტელევიზია და ისიც დაღეჭა, რა საქმიანობა უფრო უყვარს და რატომ თქვა ეს ფრაზა. დავდებ ვიდეოს, რათა მეტმა ადამიანმა ნახოს.

ზუსტად ასე გაიგებენ კოლექტიური ნაცმოძრაობის მომხრეები მის ინტერვიუს, თუ ვინმე მოუსმენს 2სთ და 23წთ. არ შეიმჩნევენ როგორ წაართვეს 1 დღეში 7 ბიზნესი, როგორ დაუპატიმრეს ახლობლები და მხოლოდ ამერიკის სახელმწიფო მდივნის მეორე მოთხოვნით გაათავისუფლეს და ა.შ.

ჟურნალისტს ვერ დავარქმევ, ინტერვიუს წამყვანმა ერთი ფაქტი ვერ დაუსახელა, როცა პრეტენზიებს უყენებდა და მუდმივად ცდილობდა შეეჩერებინა, როცა პასუხი არ მოსწონდა, რომ ეს უკვე ნათქვამი გაქვთო და გადაჰყავდა სხვა თემაზე. "გლავკანალის" ფილიალია.

შვილთან მიმართებაში ყველა ზღვარი გადალახა. არადა რამდენჯერმე უთხრა, შვილზე არ ვსაუბრობო.

ვიღაც კონგრესმენის წერილს უკითხავდა და გვარს არ ასახელებდა. რამდენჯერმე ჰკითხა, კონგრესმენი გყავთ წყაროდო, კონრესმენია თუ წყაროო, კონგრესმენი როგორ შეიძლება იყოს წყაროო? არ შეიმჩნია.

როცა კონგრესის მიერ დაფინანსებული მედია ასე იქცევა, ცხადად იკვეთება რატომ ებრძვიან "იმედს" და მის მფლობელს? მხოლოდ პოლიტიკური მიზნებია, გააჩუმონ ყველაზე რეიტინგული ტელევიზია და საინფორმაციო სივრცეში "გლავკანალები" გააბატონონ", როგორც იყო ადრე.

შემდეგ პოსტად ინტერვიუს დავდებ და მოუსმინეთ."-წერს ანირან სალუქვაძე