"ახალი კანონის დაჩქარებული მიღბა განამტკიცებს აშშ-ს შიდა უსაფრთხოებას, ბოლოს მოუღებს მთელი რიგი კრიმინალური კარტელების საქმიანობას და ქვეყნის შიდა უსაფრთხოების სამსახურებს გაუადვილებს მუშაობას ამერიკის შეერთებული შტატების დსაცავად"-ნათქვამია განცხადებაში, რომელიც პრეზიდენტ ტრამპის ინაუგურაციის მეორე დღეს გამოქვეყნდა აშშ-ს შიდა უსაფრთხოების სამინისტროს მიერ. მათი თქმით გამონთავისუფლდება უზარმაზარი თანხა, რომელიც ხმარდებოდა მიგრანტების შენახვას და მიგრანტების კრიმინალური კარტელების წინააღმდეგ საქმიანობას და ხშირ შემთხვევაში ბრძოლასაც.
კანონი ეხება ნებისმიერს, ვისაც კი ოფიციალური სამუშაო ვიზა არა აქვს და არაოფიციალურად იმყოფება ქვეყნის ტერიტორიაზე.

გარდა ამისა პრეზიდენტმა ტრამპმა ხელი მოაწერა ბრძანებას 20 იანვარს, აშშ-სა და მექსიკას შორის საგანგებო მდგომარეობის შემოღების თაობაზე. ამერიკის პრეზიდენტის თქმით, საგანგებო მდგომარეობის გამოცხადება აღნიშნულ მონაკვეთზე სამართლებრივ უფლებას აძლევს აშშ-ს გააგზავნოს ქვეყნის შეიარაღებული ძალები აშშ-მექსიკის საზღვარზე, რათა აცილებულ იქნას მექსიკიდან სხვადასხვა ქვეყნის მიგრანტების შეჭრა აშშ-ს ტერიტორიაზე.
ადრე რესპუბლიკელი ტრამპი ყოველთვის მოითხოვდა გაემკაცრებინათ კანონი მიგრანტების შესახებ და ასევე მოითხოვდა აშშ-მექსიკის საზღვრის ჩაკეტვას. გარდა ამისა ისეთი დაცული კედლის აშენებას საზღვარზე, რომლის გადალახვასაც ვერცერთი მიგრანტი ვერ შესძლებდა.