შენიშვნა: სია არასრულია

პერის ჰილტონი

43 წლის პარისმა 2021 წელს ქალაქში ორსართულიანი საცხოვრებელი 8, 4 მილიონ დოლარად შეიძინა. უკანა სახლს კიბე ჰქონდა, რომელიც ოდესღაც ლა კოსტას სანაპიროზე გადიოდა. თუმცა, როგორც გაირკვა, ეს არ ყოფილა მისი მთავარი საცხოვრებელი ადგილი.

დენის კროსბი

Star Trek: The Next Generation-ის ვარსკვლავმა 67 წლის დენის კროსბიმ ადგილობრივ ჟურნალისტებს განუცხადა, რომ მისი ესპანური სტილის კოტეჯი წყნარი ოკეანის პაციფიკ-პალისეიდში მთლიანად განადგურდა ხანძრის შედეგად.

ჯეიმი ჩუნგი და ბრაიან გრინბერგი
ჯეიმი ჩუნგმა და ბრაიან გრინბერგმა ასევე განუცხადეს მედიას, რომ მათ სახლი დაკარგეს ლოს ანჯელესში. ოთხშაბათს, 46 წლის გრინბერგმა სოციალურ ქსელში დაწერა: "მთავარია, ოჯახი უსაფრთხოდაა - ყველაფერი დანარჩენს მოევლება!"

მაილო ვენტიმილია

This Is Us-ის ვარსკვლავი, 47 წლის მაილო ვენტიმილიამ, ასევე დაკარგა სახლი ხანძრის შედეგად. მიუხედავად იმისა, რომ შემთხვევის ადგილზე მისვლამდე იცოდა, რომ მისი სახლი დაიწვა (მას მეზობლებმა უთხრეს), როდესაც მალიბუში დანგრეული ვილა დაინახა, ცრემლები ვერ შეიკავა.

კერი ელვესი
62 წლის კერი ელვესმა განაცხადა, რომ ის და მისი ოჯახი უსაფრთხოდ არიან, მაგრამ "სამწუხაროდ დავკარგე სახლი".

ქენდი სპელინგი

მძვინვარე ხანძრის მსხვერპლი გახდა მწერალი ქენდი სპელინგის 23 მილიონი დოლარის ღირებულების სახლი წყნარი ოკეანის სანაპიროზე, მალიბუში.

თინა ნოულსი

ბიონსეს დედამ, თინა ნოულსმა დიდი მწუხარებით განაცხადა, რომ მისი ბუნგალო მლიბუში განადგურდა ლოს-ანჯელესის ტყის ხანძრის შედეგად.

ჯეფ ბრიჯესი
75 წლის ჯეფ ბრიჯესმა სიმწრით დაადასტურა, რომ მისი ოჯახის სახლი მალიბუშიც განადგურდა ტყის ხანძრის შედეგად.

ენტონი ჰოპკინსი

"ოსკაროსან" მსახიობს არაფერი დარჩა, მხოლოდ შესასვლელი ჭიშკარი, ხეები, რომლებიც ოდესღაც მზისგან იცავდნენ, მთლიანად ჩაიფერფლა.

იოლანდა ჰადიდი
ცნობილი სასახლე სერიალიდან "ბევერლი ჰილზის ნამდვილი დიასახლისები" ტრაგიკულად გაანადგურა ლოს-ანჯელესში გაჩაღებულმა ტყის ხანძრებმა. მდიდრული მამული, სადაც ცხოვრობდა 60 წლის იოლანდა ჰადიდი და ერთხანს ზრდიდა შვილებს, მათ შორის ჯიჯი ჰადიდის და ბელა ჰადიდის.

ბენ აფლეკი
აფლეკმა სულ რაღაც რამდენიმ თვის წინ იყიდა სახლი 20, 5 მილიონ დოლარად წყნარი ოკეანის პირას, რომელიც ხანძრის შედეგად სრულად განადგურდა. ახლა არტისტი დროებით ყოფილ მეუღლესთან ჯენიფერ გარნერთან გადავიდა საცხოვრებლად.

მელ გიბსონი
მსახიობმა და რეჟისორმა მელ გიბსონმა, რომელმაც, ისევე როგორც ბევრმა მისმა კოლეგამ დაკარგა 14, 5 მილიონად ღირებული სახლი, მალიბუს ხანძრის შედეგები მეორე მსოფლიო ომის დროს დრეზდენის დაბომბვას შეადარა.

ბილი კრისტალი
კომიკოსმა და მსახიობმა ბილი კრისტალმა ასევე განაცხადა, რომ მისი სახლი დაიწვა.

მთავარ ფოტოზე: მაილო ვენტიმილია, პერის ჰილტონი და ჯეფ ბრიჯესი