სურათები საახალწლო განწყობისთვის

მხატვრობა

3 იანვარი, 9:46

თომას კინკეიდი (1958-2020 წწ.) – ამერიკელი მხატვარი იყო, რომელმაც წარმატებული კარიერა მშვიდი, იდილიური სცენების, შუქით სავსე ნახატებით შექმნა.

კინკეიდი ხელოვნების ისტორიას ბერკლიში, კალიფორნიის უნივერსიტეტში ორი წლის მანძილზე სწავლობდა. ხოლო შემდეგ, პასადენაში გადავიდა და სწავლა დიზაინის კოლეჯში – Art Center–ში გააგრძელა. სწორედ იქ დაიწყო მან, ნახატებში განათების ეფექტების შექმნის ტექნიკის ექსპერიმენტები.

კინკეიდის, როგორც მხატვრის მიზანი, მის მიერ შექმნილი სურათებით, ყველა რელიგიის ადამიანს შეხება და მათ ცხოვრებაში, სიხარულის შეტანა იყო. მას სურდა, რომ მისი ნამუშევრები, სხვებისთვის იმედის და შთაგონების საწინდარი ყოფილიყო.

თავის ნახატებში, კინკეიდმა სინათლის ეფექტების გამოიყენა 80-იან წლებში დაიწყო. დაახლოებით, იმავე პერიოდში, მან თავი "სინათლის მხატვრად" გამოაცხადა.

კინკედის ნახატების ტიპიური სიუჟეტი კოტეჯები, ხიდები, ბაღები იყო, გამსჭვალული თბილი, მზიანი შუქებით. 1984–1990 წლებში, ის ასევე, იმპრესიონისტულ ნახატებს ქმნიდა, რობერტ ჟირარდის ფსევდონიმით.

1984 წელს კინკეიდმა თავისი ნამუშევრების გავრცელება ინვესტორების დახმარებით დაიწყო და 1989 წელს მან და კენ რაშმა გამომცემლობა Lightpost–ი დააარსეს, რომელიც ექსკლუზიურად კინკაიდის შემოქმედებას ეძღვნებოდა.

ყველაზე ხშირად, მისი ნახატების რეპროდუქცია ფაზლებზე, ნაქარგების კომპლექტებზე, კალენდრებზე, პლაკატებზე, საშობაო ბარათებზე და GIF ანიმაციებზე გვხვდება.

მხატვარი, ზოგჯერ, სხვა კორპორაციულ სუბიექტებთანაც თანამშრომლობდა. მაგ., Disney–ის კომპანიასთან ერთად, მან Disney Dreams Collection კოლექცია შექმნა, – სურათების სერია, რომელთა შორის არის სცენები ნახატი ფილმიდან: "კონკია", "ალადინი", "ფიფქია და 7 ჯუჯა", "მეფე ლომი"...

როდესაც ამ ჯადოსნურ სურათებს ვუყურებთ, თითქოს, დისნეის ჯადოსნურ სამყაროში ვეფლობით, რომელიც ჩვენთვის ბავშვობიდან ცნობილია... და არასდროს დავფიქრებულვართ, რომ სინამდვილეში, ეს ნამდვილი სურათებია და არა ეკრანული სკრინშოტები, უოლტ დისნეის ცნობილი ფილმებიდან.