ფერების ინსტიტუტმა Pantone-მა მომავალი წლის ფერი უკვე გამოავლინა. 2025 წლის ფრად დასახელდა Mocha Mousse - თბილი ყავისფერი, რომელიც სიმდიდრეს და დახვეწილობას ასხივებს. ლორი პრესმანის, Pantone-ის ვიცე პრეზიდენტის თქმით, მოკო-მუსი განასახიერებს ჩვენს მოთხოვნილებას კომფორტისა და ერთიანობის მიმართ.

ეს ფერი სიმშვიდის და სინაზის სიმბოლოა და მოგვიწოდებს დავტკბეთ ცხოვრების მარტივი სიხარულებით, როგორიცაა ყავა მეგობრებთან ერთად ან შოკოლადის დეკადენტური გემო. ამავდროულად, Mocha Mousse-ს აქვს ელეგანტურობა, რომელიც ადვილად შეგიძლიათ მოარგოთ სხვადასხვა ესთეტიკურ კონტექსტს.

თავისი მდიდარი, თბილი პალიტრით Mocha Mousse გამოირჩევა სხვადასხვა ინდუსტრიაში, მოდიდან და ინტერიერიდან დაწყებული გრაფიკული დიზაინით და კოსმეტიკით დამთავრებული.

ეს ფერი შეიძლება გამოყენებულ იქნას, როგორც ძირითადი აქცენტი, ასევე ნეიტრალური საფუძველი, რომელიც აერთიანებს მდიდარ, დეტალიზებულ პალიტრებს. მისი ადაპტირების უნარი საშუალებას გაძლევთ შექმნათ როგორც მინიმალისტური კომპოზიციები, ასევე მდიდრული, დეკორირებული დიზაინი, აღნიშნავს ფერთა ინსტიტუტი.

Mocha Mousse ასახავს ჩვენს კოლექტიურ სურვილს ურთიერთობისკენ და მარტივი სიამოვნებისკენ. იმ დროს, როცა სულ უფრო მეტად მივმართავთ ბუნებას და ცხოვრების მდგრად სტილს, ეს ფერი მოგვიწოდებს დავუბრუნდეთ ფესვებს და გვახსენებს პატარა, მაგრამ მნიშვნელოვანი მომენტების ღირებულებას.

Pantone აგრძელებს სამყაროს დაკავშირებას ფერების ენით, ხოლო Mocha Mousse სრულყოფილად განასახიერებს ჩვენი დროის სულისკვეთებას - სითბოს, სტაბილურობას და მარტივი სიამოვნების სიმდიდრეს.

იპოვეთ შთაგონება ჩვენს მაგალითებში, რომლებიც გაიძულებთ ჩართოთ 2025 წლის ფერი თქვენს სახლში.

ასევე დაგაინტერესებთ:

20 შთამაგონებელი მაგალითი, როგორ აწყობენ ადამიანები საკუთარ საცხოვრებლებს

მისაღები ოთახის ინტერიერის 6 ვარიანტი, შექმნილი პლანეტის ულამაზესი ადგილების შთაგონებით

30 ყველაზე ლამაზი და მყუდრო ოთახი, სადაც მოხვედრას ახლავე ისურვებდით

ცნობილი ადამიანების სამზარეულოები: ვირტუალური ტური დიზაინერებისგან

ცოტა კრეატივი და თქვენ შესანიშნავი ინტერიერი გექნებათ