ყველა ჩვენგანი ცვლილებებისა და კატაკლიზმების ეპოქაში ცხოვრობს. კინემატოგრაფიას ხომ საუკუნეების წინ ჩაეყარა საფუძველი. სანამ ტელევიზია პოპულარული გახდებოდა, ადამიანები უახლესი კინოფილმების საყურებლად კინოთეატრებში იყრიდნენ თავს. იაფფასიანი ამბების ჩვენებით დაწყებული, კინემატოგრაფია, დიდ კომერციულ ინდუსტრიად და თავისუფალი დროის გასატარებელ საუკეთესო საშუალებად იქცა. თუმცა, დროის ცვლილებასთან ერთად დაიხვეწა ყველაფერი ამ დარგში და უფრო სასიამოვნო საყურებელი გახდა თავისი ეფექტებით, ფერებითა და ჟანრობრივი განხრით. მეც და მათ შორის ალბათ ყველა თქვენგანს გექნებათ თქვენი ფავორიტი ფილმი, რომლის მრავალჯერ ყურება არაჩვეულებრივ სიამოვნებას განიჭებთ.

ფილმებსა და საერთოდ კინემატოგრაფიას თანამედროვე ეპოქაში ძალიან დიდი ადგილი უჭირავს ადამიანის ყოველდღიურ ცხოვრებაში. საზოგადოების ინტერესს იწვევს მსოფლიო კინომწარმოებლების ყველა ახალი წამოწყება, ახალი ფილმები, თავად ამ ფილმების შემქმნელებისა თუ მათში მონაწილე გმირების ისტორიები როგორც ფილმში, ასევე ფილმს გარეთ. ამის გამოა, რომ თანამედროვე კინოინდუსტრია მუდმივი "დაკვირვების" ქვეშაა, შესანიშნავი ნიჭის წყალობით კი მსახიობები თუ შოუ-ბიზნესის სხვა წარმომადგენლები, სამუდამოდ რჩებიან მაყურებლის გულში.

წელიწადში მილიონობით ფილმს იღებენ და ბევრი მათგანი ხდება უკვდავი და დამსახურებული მაყურებელთა გადაწყვეტილებით, ვინაიდან უდიდესი შთაბეჭდილება მოახდინეს მათ გრძნობებზე ამა თუ იმ მსახიობებმა, რადგან მათ გაარღვიეს მაყურებლის გულებში ყველა მწვერვალი და მოიპოვეს უკვდავი გენიის სტატუსი, რის გამოც გიჩნდებათ სურვილი უსასრულოდ უყუროთ საყვარელ სცენებს.

ვტკბებით კინო მოყვარულები- ძლიერი, საყვარელი და უბრალოდ სასიამოვნო სანახავი ფილმებით, ამ დროს კი წარმოდგენა არ გვაქვს, მსახიობებმა რამდენი დრო, ენერგია და შრომა ჩადეს თითოეული ეპიზოდის გადაღებისას. მათი საოცარი ნიჭი და გრიმის დახმარება კი ხშირად იძლევა წარმოუდგენელ შედეგს და ხშირად გვიჭირს წარმოდგენა, თუ რომელი მსახიობი შეიძლება ასრულებდეს იმ კონკრეტულ როლს და რის ფასად შეუძლება უწევდეს. არ ვიცი, გაქვთ თუ არა გაგონილი, რომ ხშირად მსახიობები გარკვეული როლის შესრულების შემდეგ ისტრესებიან და ფსიქიატრიული მკურნალობა სჭირდებათ.

როლები, რომლებმაც მსახიობები კინაღამ ჭკუიდან შეშალა

1. კრისტიან ბეილი - 2004 წლის ფილმი "მემანქანე".

დრამისთვის The Machinist, ბეილმა დაიკლო 30 კილოგრამი, რის გამოც თავი ძალიან გადაიღალა. მსახიობი, რომელიც 55 კილოგრამს იწონიდა, გადაღებების დროს დღეში თითო ვაშლს და თევზის თითო კონსერვს ჭამდა. ფილმის პროდიუსერების თქმით, მსახიობი მზად იყო კიდევ უფრო ამოეწურა მისი რესურსი, მაგრამ გადამღები გუნდი წუხდა ბეილის ჯანმრთელობაზე და სთხოვდა შეჩერებულიყო.

2. შაია ლაბაფი - 2014 წლის ფილმი - "მრისხანება".

2014 წელს ომზე დრამის მრისხანების გადასაღებად, შაია ერთი თვის განმავლობაში ცხოვრობდა სამხედრო ბაზაზე. კბილები ამოიღო, სახე დანით დაისერა, თავის დაბანა შეწყვიტა და დღეები უყურებდა ცხენების კვდომასა და დახოცვას. ერთი წლით ადრე, „საშიში ილუზიის“ გადაღებების დროს, შაიამ სცადა რეჟისორ ფრედრიკ ბონდის ცემა LSD-ის ზემოქმედების ქვეშ. სინამდვილეში, თავად ფილმი საუბრობს ჰალუცინოგენური წამლების მიღების შედეგებზე და მსახიობმაც მიიღო ეს წამლები.

ცნობიერებასთან და საკუთარ სხეულთან ჩატარებულმა ექსპერიმენტებმა საბოლოოდ სერიოზულად იმოქმედა მსახიობის მდგომარეობაზე. ლაბაფის ქცევაში ცვლილებები მოხდა 2013 წელს ლარს ფონ ტრიერის ფილმის "ნიმფომანი"-ს გადაღების შემდეგ. მსახიობი ბერლინში ფილმის პრემიერაზე თავზე პაკეტჩამოცმული მივიდა. მოგვიანებით მან არაერთხელ ჩაშალა პრესკონფერენციები, დაიწყო ჩხუბი საზოგადოებრივ ადგილებში. შესაბამისად, მკურნალობდა სარეაბილიტაციო ცენტრში. საერთოდ, შაიამ დიდი ხნის წინ და დამსახურებულად მიიღო ჰოლივუდის ყველაზე უცნაური მსახიობის წოდება.

3. ქეით უინსლეტი - 2008 წლის ფილმი "წამკითხველი".

მსახიობი მისმა პერსონაჟმა, რომელიც წერა-კითხვის უცოდინარი საკონცენტრაციო ბანაკის ზედამხედველი იყო, დაიმონა და გადაღებებიდან რამდენიმე თვე დასჭირდა ნორმალურ ცხოვრებას დაბრუნებოდა. ქეითმა, რომელმაც ოსკარი მიიღო The Reader-ში სასწაული ნამუშევრისთვის, აღიარა, რომ პერსონაჟიდან გამოსვლა ისეთივე რთული სამუშაო აღმოჩნდა, როგორც როლისთვის რეპეტიცია. "ბევრი დღე და ძალისხმევა დავხარჯე იმისათვის, რომ საბოლოოდ დავმშვიდობებოდი ამ ჩემს გმირს" - ამბობს ქეითი.

4. ჯარედ ლეტო - 2016 წლის ფილმი "თვითმკვლელთა რაზმი".

გიჟი ჯოკერის როლთან შეგუებით, ლეტომ კოლეგებისთვის უცნაური ნივთების გაგზავნა დაიწყო. უილ სმიტმა მიიღო ტყვიების შეკვრა, მაგრამ მარგო რობის ნაკლებად გაუმართლა - ჯარედმა მას ცოცხალი ვირთხა გაუგზავნა. დანარჩენმა პარტნიორებმა მიიღეს ვიდეო მესიჯი, რომელშიც ლეტო, როგორც ჯოკერი, მათ მიმართა მკვდარი ღორის ფონზე. ამით ლეტომ მათ მიმართ, ვინც მასთან ერთად ითამაშა ფილმში, გამოხატა ნამდვილი მტრობა.

5. ჰიტ ლეჯერი - 2008 წლის ფილმი "ბნელი რაინდი".

მსახიობი გატაცებული იყო სრულყოფილი ჯოკერის შექმნით და პერსონაჟის ხასიათში დარჩა მთელი მომზადებისა და გადაღების პერიოდში. ლეჯერი ერთი თვის განმავლობაში ჩაიკეტა სასტუმროს ნომერში და აწარმოებდა თავისი ბოროტმოქმედის „დაკვირვების დღიურს“. სამწუხაროდ, ლეჯერი გარდაიცვალა ტკივილგამაყუჩებლების, საძილე აბების და დამამშვიდებლების გადაჭარბებული დოზის გამო. ბევრი დარწმუნებულია, რომ ჰიტმა უბრალოდ დაკარგა შეხება რეალობასთან და აღარ ესმოდა სად იყო რეალობა და სად იყო გიჟი ჯოკერი, რის გამოც დაიწყო ნარკოტიკების უკონტროლო მოხმარება.

6. ედრიან ბროუდი - 2002 წლის ფილმი "პიანსტი".

მსახიობმა დიდი გზა გაიარა მეორე მსოფლიო ომის დროს მიტოვებული და მშიერი ებრაელი პიანისტის როლისთვის მოსამზადებლად. მან გაყიდა თავისი მანქანა, გადავიდა ბინიდან, გათიშა ტელეფონი და ევროპაში წავიდა მხოლოდ ჩანთით და პიანინოს კლავიატურით. მსახიობმა დღეში ორიოდე კვერცხს, ქათმის ფეხსა და ბოსტნეულს ჭამდა, ტელევიზორს არ უყურებდა და რეპეტიციას გადიოდა კვლავ და კვლავ.

7. ნატალი პორტმანი - 2010 წლის ფილმი "შავი გედი".

ნატალი პორტმანი რამდენიმე კვირის განმავლობაში იცავდა ექსტრემალურ დიეტას 15 კილოგრამის დასაკლებად. გეგმამ წარმატებით ჩაიარა - მან თავისი გარეგნობით რეჟისორი დარენ არონოფსკიც კი შეაშინა. რა თქმა უნდა, ბალერინას თამაშობდა, პორტმანი დიდ დროს ატარებდა დარბაზში ვარჯიშზე და დილის ექვსიდან 15-საათიანი გადაღების შემდეგ კვლავ დარბაზში მიდიოდა. იმისათვის, რომ მსახიობი მთლიანად ჩაძირულიყო მისი პერსონაჟის ფსიქიკურ აშლილობაში, რეჟისორმა იგი იზოლირებულად დატოვა დანარჩენი მსახიობებისგან.

ერთი წლის განმავლობაში პორტმანს არაფერი გაუკეთებია გარდა იმისა, რომ მოემზადებინა როლისთვის მისი პერსონაჟი და მას ნამდვილად არ უყვარს ამ პერიოდის გახსენება. „ნინა ძალიან ავად არის. მას სჭირდება წლების თერაპია“, - თქვა ნატალიმ მისი გმირის შესახებ ფილმის გამოსვლის შემდეგ. ”გადაღებაზე როცა დავთანხმდი, არ ვიცოდი, რა შარში ჩავვარდი”.

8. შელი დიუვალი - 1980 წლის ფილმი "ნათება".

სტივენ კინგის რომანის საკულტო ფილმის ადაპტაცია აღიარებულია როგორც მსოფლიო კინოს ერთ-ერთ ყველაზე საშიშ და ერთ-ერთ დიდებულ ფილმად. თუმცა, ყველამ არ იცის, რად ღირდა ეს შედეგი. რეჟისორი სტენლი კუბრიკი არ იშურებდა მსახიობების ნერვებს, რათა ჩაეფლო ისინი იმ სტრესში, რომელშიც იმყოფებიან ფილმის გმირები. მაგალითად, კლიმატური სცენის სამდღიანი გადაღების დროს ჯეკ ნიკოლსონმა 60 კარი გაჭრა მანამ, სანამ კუბრიკმა არ დაამტკიცა ერთი კადრი. რეჟისორმა არ დაინდო 70 წლის მსახიობი Scatman Crothers, რომელიც 40-ჯერ „მოკვდა“ კამერის წინ, სანამ ნიკოლსონი კოლეგას არ დაუდგა და რეჟისორს გაჩერება სთხოვა.

მაგრამ ყველაზე უარესი ხვდა მსახიობ შელი დიუვალს, რომელიც კუბრიკს სისტემატურად მიყავდა ისტერიკამდე მთელი გუნდის წინაშე, რათა მას არ დაეტოვებინა ფსიქოპათის შეშინებული ცოლის იმიჯი. თუმცა, ათწლეულების შემდეგაც, მსახიობების ემოციები არ ბადებს კითხვებს: მაყურებელი ფაქტობრივად გრძნობს დაძაბულობას მთელი ფილმის დროს.