პარტიის, „გახარია საქართველოსთვის“ ლიდერი გიორგი გახარია კვლავ იმეორებს, რომ მე-11 მოწვევის პარლამენტს ლეგიტიმაციას არ შესძენს. მისი თქმით, საპარლამენტო სიების გაუქმების გადაწყვეტილებაზე ვერავინ მოახდენს გავლენას.

ცესკომ „კოალიციას ცვლილებებისთვის“, „ერთიანობა - ნაციონალურ მოძრაობასა“ და „ძლიერ საქართველოს“ მოთხოვნის საფუძველზე საარჩევნო სიები გაუუქმა. ეს არ ნიშნავს იმ დეპუტატების მანდატების გაუქმებას, რომელთა უფლებამოსილებაც 25 ნოემბერს ცნო პარლამენტმა. ამისთვის საჭიროა თითოეულმა ოპოზიციონერმა დეპუტატმა განცხადებით მიმართოს პარლამენტს, შემდეგ კი მოთხოვნა დააკმაყოფილოს საპარლამენტო უმრავლესობამ.

ცენტრალურმა საარჩევნო კომისიამ 26 ოქტომბრის არჩევნების შედეგები 16 ნოემბერს შეაჯამა. შემაჯამებელ ოქმში ასახულ მაჩვენებლებს მხოლოდ “ქართული ოცნება” ეთანხმება. ოპოზიცია, არასამთავრობო სექტორი და პრეზიდენტი 26 ოქტომბრის არჩევნებს გაყალბებულად მიიჩნევენ.