მომღერალი და კომპოზიტორი ჩარლზ დიუმონი, რომელმაც დაწერა მუსიკა საკულტო სიმღერისთვის Non, je ne regrette rien, გარდაიცვალა 96 წლის ასაკში. ამის შესახებ BFMTV არხი იტყობინება.

დიუმონის ნათესავებმა განაცხადეს, რომ კომპოზიტორი გარდაიცვალა 18 ნოემბერს გვიან ღამით კვირა- ორშაბათის გასაყარზე. ის ხანგრძლივი ავადმყოფობის შემდეგ პარიზში საკუთარ სახლში გარდაიცვალა.

შარლ დიუმონი დაიბადა საფრანგეთის ქალაქ კაჰორში 1929 წელს. 1960-იანი წლების მიჯნაზე, რამდენიმე უარის შემდეგ, მან დაარწმუნა ედიტ პიაფი შეესრულებინა მისი ერთ-ერთი ნამუშევარი. "მის გარეშე, მე ვერასოდეს გავაკეთებდი იმ ყველაფერს, რაც გავაკეთე, როგორც კომპოზიტორმა და როგორც მომღერალმა", - აღიარა კომპოზიტორმა AFP-სთან ინტერვიუში 2015 წელს. ის ასევე თანამშრომლობდა ამერიკელ მომღერალ ბარბრა სტრეიზანდთან, რომლისთვისაც დაწერა ჰიტი "I've Been Here".

1960 წელს ედიტ პიაფის მიერ შესრულებული სიმღერა " Non, je ne regrette rien" შვიდი კვირა იყო პირველ ადგილზე ფრანგული სინგლების და Airplay Reviews ჩარტებში.

სულ ცოტა ხანში ეს კომპოზიცია მსოფლიო ჰიტად იქცა, იგი შესრულდა უამრავ ენაზე, მათ შორის ინგლისურ, ესპანურ, იტალიურ, გერმანულ და პორტუგალიურ ენებზე.

ასევე შეასრულეს სერბმა, ხორვატმა, სომეხმა და ჩილელმა მომღერლებმა

სიმღერის შემსრულებელებს შორის იყვნენ ისეთი ცნობილი არტისტები, როგორებიც არიან Bad Boys Blue, ლა ტოია ჯექსონი, ემილი ჰარისი, დალიდა, ასევ ფრანგი მირეა მატიე, მსახიობი ფრენსის მაკდომარდი და სხვები.