ალბათ, ბავშვობაში ყველას აქვს წაკითხული წიგნები ბიჭზე, რომელიც გადარჩა. ხოლო ჰარი პოტერის შესახებ ფილმების ყურება საახალწლო ტრადიციად იქცა. მომავალი სერიალის შესახებ ახალი ამბები გასულ გაზაფხულზე გამოჩნდა. გადავწყვიტეთ გარკვევა, როგორ მიდის საქმე, ვინ მოიკალათებს რეჟისორის სავარძელში და ვინ ითამაშებს ჩვენს საყვარელ პერსონაჟებს.

ჰარი, რონი და ჰერმიონი ეკრანზე დაბრუნდებიან „სიკვდილის საჩუქრების“ მეორე ნაწილის გამოსვლიდან 15 წლის შემდეგ.

გადაღებებს განახორციელებს კომპანია НВО, რომელმაც საკულტო სერიალი „სამეფო კარის თამაშები“ გვაჩუქა. სერიალს გადაიღებენ შვიდივე წიგნის მიხედვით, ანუ 7 სეზონი გველოდება. პროდიუსერები გვპირდებიან, რომ სერიალი „ჰარი პოტერის ორიგინალური წიგნების ზუსტი ადაპტაცია იქნება“.

რა თქმა უნდა, ყველას აინტერესებს, ვინ შეასრულებს ჩვენს საყვარელ გმირებს. უფროსებით დავიწყოთ. სამწუხაროდ, ბევრი მსახიობი ჩვენთან აღარ არის, ამიტომ პროფესორი სნეიპის, პროფესორი მაკგონაგალის და ჰაგრიდის როლებისთვის ახალი სახეები შეირჩა.

პროფესორი მაკგონაგალი

მეგი სმითი / ლესლი მენვილი

მედიის ცნობით, მინერვა მაკგონაგალს განასახიერებს ლესლი მენვილი. 2017 წელს ის იყო ნომინირებული ოსკარზე საუკეთესო მეორეხარისხოვანი როლის შესრულებისთვის.

ლესლი მენვილი პრინცესა მარგარეტის როლში სერიალში „სამეფო“

კინოკრიტიკოსები დარწმუნებულნი არიან, რომ ცნობილი მსახიობი ადვილად გარდაისახება მრისხანე პროფესორად.

პროფესორი სნეიპი

ალან რიკმანი / ედვარდ ბლიუმელი

მედიაში გავრცელებული ინფორმაციით, ფრენჩაიზის ერთ-ერთ საყვარელ პერსონაჟს, სევერუს სნეიპს, 31 წლის ედვარდ ბლიუმელი შეასრულებს. კინოკრიტიკოსებს მოსწონთ მისი გარეგნობა და თვლიან, რომ ედვარდი იდეალურია ამ როლისთვის.

ედვარდ ბლიუმელი ვამპირ მარკუსის როლში სერიალში „ჯადოქრების აღმოჩენა“

ჟურნალისტები თვლიან, რომ მსახიობი ადვილად გაუმკლავდება მარად უკმაყოფილო, მაგრამ თავისებურად მიმზიდველი შხამ-წამლების პროფესორის როლს.

სირიუს ბლექი

სირიუსი - პერსონაჟი, რომელსაც ფანების აზრით, ეკრანზე საკმარისი დრო არ მისცეს. მაგრამ ახლა ვნახავთ მეტ სირიუსს, რადგან არის იმედი ფლეშბექებზე მისი ცხოვრებიდან!

ჰარი პოტერის ნათლიას გარი ოლდმანი თამაშობდა. ერთ-ერთ ინტერვიუში მსახიობმა თქვა, რომ თავისი პერსონაჟი მოსწონს და მიგვანიშნა, რომ წინააღმდეგი არ იქნება, რომ ჰოგვორტსის პედაგოგებიდან ერთ-ერთი უფროსის როლი შეასრულოს.

ვოლან-დე-მორტი

რეიფ ფაინზი / კილიან მერფი

კიდევ ერთი საინტერესო ჭორი, რომელიც ფანებს შორის ვრცელდება. თითქოს ვოლან-დე-მორტის როლში კილიან მერფი გამოჩნდება.

ლუციუს მალფოი

ჯეისონ აიზექსი / ტომ ფელტონი

ამბობენ, რომ ტომ ფელტონი დაბრუნდება პოტერის სერიალში და ლუციუს მალფოის როლს შეასრულებს.

ოქროს სამეული

ახლა მთავარი კითხვა. ვინ ითამაშებს ოქროს სამეულს?

HBO-მ სამი მთავარი გმირის როლზე კასტინგი გამოაცხადა. ჰარის, რონის და ჰერმიონას ითამაშებს 9-11 წლის ბავშვები დიდი ბრიტანეთიდან ან ირლანდიიდან. კანდიდატებს სთხოვენ გადაიღონ ორი მოკლე ვიდეო. პირველში უნდა წაიკითხონ ლექსი ან მოთხრობა. მეორეში საკუთარ თავზე ისაუბრონ.

ცნობილია, რომ გადაღებები 2025-26 წლებში ინგლისში გაიმართება. სერიალის გამოშვება 2026 წელს იგეგმება.

რეჟისორის სავარძელი

ვინ უხელმძღვანელებს პროცესს? სერიალს დაწერს ფრანჩესკა გარდინერი - სერიალის „მემკვიდრეების“ პროდიუსერი. რეჟისორად დაინიშნა მარკ მაილოდი. ის იყო „მემკვიდრეების“ და „სამეფო კარის თამაშების“ ზოგიერთი ეპიზოდის რეჟისორი. სხვათა შორის, „სამეფო კარის თამაშებისთვის“ ჯილდოც მიიღო ნომინაციაში „საუკეთესო რეჟისორი დრამატულ სერიალში“. ეს იმედის მომცემია.

საინტერესოა, რომ ფანები განიხილავენ პრობლემებს, რომელიც სერიალს აუცილებლად შეექმნება. წიგნებსა და ფილმებში თხრობა ჰარის გადმოსახედიდან არის მოთხრობილი. (იყო გამონაკლისები, მაგალითად, პირველი წიგნი იწყება ვერნონ დერსლის გადმოსახედიდან). ფილმებიც იშვიათად სცილდება ამ წესს.

ბევრი სიუჟეტი ეყრდნობა იმას, რომ ჰარიმ და მაყურებლებმა მნიშვნელოვანი ინფორმაცია არ იციან. მაგალითად, შოკისმომგვრელი იყო იმის გაგება, რომ სნეიპი ყოველთვის ჰარის მხარეს იყო. სერიალში თხრობა კი რამდენიმე პერსონაჟის მხრიდან ხდება. სცენარისტებს დიდი ძალისხმევის გაღება მოუწევთ, რომ დაძლიონ „პოტერზე დამოკიდებულება“ და შეინარჩუნონ ინტრიგა. სამაგიეროდ, ვნახავთ მთელ ისტორიას სნეიპის, რონის, ვოლდემორის და სხვა მნიშვნელოვანი პერსონაჟების თვალით.