ჩვენ, ყველა მოუთმენლად ველით მართვის მოწმობის აღებას, რადგან ეს იწვევს თავისუფალი გადაადგილების შეგრძნებას. მართვის მოწმობის აღებამდე ჯერ უნდა ჩავაბაროთ საჭირო ტესტები, რომლებიც აფასებს მანქანის მართვის უნარს.

ნებისმიერი სხვა გამოცდის მსგავსად, მართვის მოწმობის გამოცდა იწვევს ძლიერ სტრესს, რომელიც საზიანოა თქვენი ჯანმრთელობისთვის და ამცირებს კონცენტრაციას. რამდენიმე რჩევას გიზიარებთ, როგორ აიცილოთ თავიდან სტრესი მართვის მოწმობის გამოცდის დროს:

1. გამოცდამდე შეისვენეთ

კარგად გამოძინება საუკეთესო საშუალებაა დასამშვიდებლად. თუ გამოცდამდე კარგად გამოიძინებთ, თქვენი კონცენტრაცია მაქსიმალურ დონეზე იქნება. ასე თითოეულ დეტალს ყურადღებას მიაქცევთ. გახსოვდეთ, რომ ავტომობილის მართვა თქვენგან სიფხიზლეს და სიმშვიდეს მოითხოვს.

2. დრო სწორად დაგეგმეთ

განცდა, რომ დროს ეჯიბრებით, შფოთვას ზრდის. უსარგებლო სტრესის თავიდან ასაცილებლად ძალა მოიკრიბეთ და სახლიდან ადრე გადით. გაითვალისწინეთ ტრანსპორტის გადატვირთული მოძრაობა. თუ შესაძლებელია, გამოცდაზე მინიმუმ 15 წუთით ადრე მიდით.

3. ღრმად ჩაისუნთქეთ: გამოცდის დროა

სიმშვიდის შენარჩუნება სცადეთ. თუ წესები შეისწავლეთ და პრაქტიკა გაიარეთ, სანერვიულო არაფერია. გამოცდა მხოლოდ ფორმალობაა. ცოდნა და უნარები უკვე თქვენია, ასე რომ ამოისუნთქეთ და კონცენტრირდით!

4. ყურადღება მიაქციეთ თქვენთვის მოცემულ ინსტრუქციებს

გამოცდამდე არ ინერვიულოთ! დასვით საჭირო კითხვები და შეინარჩუნეთ სიმშვიდე და სიფხიზლე. როცა მზად იქნებით პრაქტიკული ტესტის გასავლელად, უსაფრთხოების ღვედი შეიკარით, სავარძელი დაარეგულირეთ, სარკე შეამოწმეთ და მგზავრს უსაფრთხოების ღვედის შეკვრა სთხოვეთ. ახლა საკმარისია მიჰყვეთ ინსტრუქტორის მითითებებს.

არსებობს 1000 მეთოდი თქვენი ნერვიულობის გასაკონტროლებლად. ყველა ადამიანი განსხვავებულია და განსხვავებულად უმკლავდება შფოთვას, მაგრამ ერთი რამ, რაც არასდროს გიმტყუნებთ არის ის, რომ ესაა პოზიტიური დამოკიდებულება და საკუთარი თავის რწმენა.

ასევე დაგაინტერესებთ:

იცით, რამდენი შეგიძლიათ დალიოთ სხვადასხვა ქვეყანაში მართვის დროს?

წყლით სავსე პლასტმასის ბოთლი მანქანაში: რატომ შეიძლება იყოს სასიკვდილოდ სახიფათო

6 სახიფათო აქსესუარი მანქანაში, რომლებიც უნდა მოიშოროთ

17 ხრიკი, რომლებიც ყველა მძღოლს გამოადგება

ყველაზე დიდი საავტომობილო საცობები ისტორიაში