ტაილანდმა დაიწყო მოქალაქეებზე 300 დოლარის გაცემა ეკონომიკის სტიმულირებისთვის. პირველ რიგში, მოსახლეობის ყველაზე დაუცველი ფენა მიიღებს ფულს, 14, 5 მილიონი ადამიანი.მთლიანად პროგრამა გათვლილია 45 მილიონ ტაილანდელზე. სქემას ცენტრალური ბანკი და ეკონომისტები აკრიტიკებენ.

ტაილანდის მთავრობამ 25 სექტემბერს 14 მილიარდი დოლარის ღირებულების ეკონომიკური სტიმულირების პროგრამა წამოიწყო, რომლის ფარგლებშიც ათეულ მილიონ მოქალაქეს 10 000 ბატის (300 დოლარის) სარგებელს დაპირდნენ, იუწყება Financial Times.

პირველ ეტაპზე ფულს მიიღებს 14, 5 მილიონი მოქალაქე მოსახლეობის ყველაზე დაუცველი ფენებიდან, აგრეთვე სახელმწიფო სოციალური უზრუნველყოფის ბარათების მფლობელები და შშმ პირები, იუწყება Reuter-ი. პროგრამაში მონაწილეობის მისაღებად სულ 36 მილიონი ადამიანი დარეგისტრირდა. დარჩენილთათვის გადახდების დრო ჯერ არ არის განსაზღვრული, ფინანსთა მინისტრმა პიჩაი ჩუნჰავაჯირამ აღნიშნა: „ჩვენ გვაქვს შეზღუდული ბიუჯეტი".

თავდაპირველად იგეგმებოდა თანხების გადარიცხვა „ციფრულ საფულეზე“, რომელიც სპეციალურად იყო შექმნილი სმარტფონის აპლიკაციის საშუალებით თანხების გასანაწილებლად, მაგრამ მათ გადაწყვიტეს სქემის განხორციელების გადადება. თანხა პირდაპირ ჩაირიცხება მიმღების საბანკო ანგარიშებზე.

მმართველი Pheu Thai (ტაილანდელებისთვის) პარტია თვლის, რომ ღონისძიება ხელს შეუწყობს მოხმარებისა და ბიზნეს აქტივობის სტიმულირებას, რაც თავის მხრივ გამოიწვევს ეკონომიკურ ზრდას. 2023 წელს ტაილანდის მთლიანი შიდა პროდუქტის ზრდა იყო 1.9%, რაც მოსალოდნელზე უარესი იყო. ქვეყანა ჩამორჩება თავის რეგიონალურ მეზობლებს (შედარებისთვის, ინდონეზიის ეკონომიკა გაიზარდა 5%) შიდა მეურნეობების ვალების, სუსტი ექსპორტის და ტურიზმიდან შემოსავლების შემცირების გამო. პრემიერმა პატონგ ტარნ შინავატრამ პირობა დადო სხვა სტიმულირებებზეც.

Financial Times-ის მიერ გამოკითხული ექსპერტები თვლიან, რომ ღონისძიებას ექნება შეზღუდული, ერთჯერადი ეფექტი და ნაკლებად სავარაუდოა, რომ დიდი წვლილი შეიტანოს ეკონომიკურ ზრდაში. „ციფრული საფულის სქემა აუცილებლად ისარგებლებს მოკლევადიანი მოხმარებით. <...> მაგრამ თანმხლები სტრუქტურული რეფორმების გარეშე, ეს არ გამოიწვევს ღრმა ეკონომიკური პრობლემების გრძელვადიან გადაწყვეტას“, - თქვა ლუკა კასტოლდიმ შვეიცარიული აქტივების მართვის კომპანია Reyl Intesa Sanpaolo-დან.

ზოგიერთი ეკონომისტი ეჭვობს, რომ გადახდის პროგრამა სრულად განხორციელდეს. თუ ეს მოხდება, ტაილანდის მშპ-ის ზრდა 100 bps-ით დაჩქარდება, აღნიშნა OCBC Bank-ის უფროსმა ეკონომისტმა და სამხრეთ-აღმოსავლეთ აზიის ქვეყნების ასოციაციის სპეციალისტმა ლავანია ვენკატესვარანმა.

სქემა გააკრიტიკა ტაილანდის ცენტრალურმა ბანკმაც, რომელიც მას წინდაუხედავი ნაბიჯი უწოდა მთავრობა უარყოფს კრიტიკას, მაგრამ უჭირს დაფინანსების წყაროების პოვნა, აღნიშნავს Reuters.